خزمی زیندانیان و کۆمەڵەی هاوکاری و پشتیوانی بنەماڵەی زیندانیان و حکومدراوانی مەڕمەڕە (مە توای-دەر) لە چوارچێوەی هەڵمەتی "ئازادی بۆ عەبدوڵا ئۆجالان، چارەسەری دیموکراتیک بۆ پرسی کورد" لەبەردەم زیندانی ژنانی باکرکۆ چالاکئ "دەنگت بخەپاڵ ئازادی"یان ئەنجامدا، لە چالاکییەکەدا پانکارتی "بۆ ئاشتی جڤاکی و شکاندنی گۆشەگیری دەنگت بخەپاڵ ئازادی" هەڵگیرا. دایکانی ئاشتی و بەڕێوەبەرانی دەم پارتی بەشداربوون.

هاوسەرۆکی مە توای-دەر، دیلەک سۆنمەز دەمیر گوتی: "تا کێشەی گۆشەگیری چارەسەر نەبێت، هیچ کێشەیەک چارەسەر نابێت، تا گۆشەگیری هەڵنەگیرێت، چالاکییەکانمان بەردەوام دەبێت".

پاشان جەماوەر بۆ ماوەی ١٠ خولەک چالاکی دانیشتنیان ئەنجامدا و درووشمی "زیندانیانی سیاسی شکۆی ئێمەن" و "بژی بەرخۆدانی زیندان" و "گۆشەگیری تاوانی دژی مرۆڤایەتییە" و "بە بەرخۆدان سەردەکەوین"یان بەرزکردەوە.

چالاکییەکە بە چەپڵە و درووشم کۆتایی هات.