د. ئازاد بەدیکی، نازیر ئاراناچاک و جەمیل ئورەک کە لە دەنهاگەوە هاتوون، لە هەفتەی ٥٩٧دا بەشدارییان لە دەورەکە کرد.

ئازاد بەدیکی سەبارەت بە ئامانجی چالاکییەکە لێدوانێکی دا و ڕایگەیاند:"ئازادیی ڕێبەری گەلی کورد عەبدوڵا ئۆجالان ئازادیی هەموو کوردە."

هەروەها بەدیکی ڕایگەیاند کە ماوەی ١٢ ساڵە گەلی کورد مەیدانەکانی ئەوروپای بە بەتاڵی نەهێشتۆتەوە و داواکارییە ڕەواکانی خۆیان دەردەبڕن و وتی:"جارێکی دیکە داوا لە پارلمانی ئەوروپا دەکەین، دەڵێین دەست لەم پیلانە گڵاوە هەڵبگرن و بگەڕێنەوە. بۆ ئەوەی دیموکراسی جێبەجێ بکرێت، بۆکەرامەتی مرۆڤایەتی جارێکی دیکە بۆ ئەوەی وەکوو ڕابردوو ژیانێکی ئازاد وەک 5000 ساڵ لەمەوبەر دروست ببێت، وەرن پاڵپشتی تێکۆشانی ئازادیخوازانەی کوردستان بکەن و با لە مێژووی ئەم 5 هەزار ساڵە گڵاوەدا لاپەڕەیەکی پاک و خاوێنی نوێ دروست بکەن بۆ مرۆڤایەتی."

بەدیکی ڕایگەیاند کە دەبێت بۆ ئەم مەبەستە ڕێبەری گەلی کورد عەبدوڵا ئۆجالان ئازاد بکرێت و داوای لە گەلی کوردستان کرد لە چالاکییەکانی ئازادی ئۆجالاندا بەشدار بن. بەدیکی وتی:"چونکە ئازادیی تەنها ئازادی گەلی کورد نابێت، بەڵکوو دەبێتە ئامرازێک بۆ ژیانێکی ئازاد و مرۆڤدۆستی بۆ گەلانی جیهان."