دایکانی شەممە لەم هەفتەیەدا لە گۆڕەپانی گالاتاسارای کۆبوونەتەوە و لە سەر چارەنووسی کەسوکارە بێسەروشوێنکراو، کوژراوەکانیان داوای لێپێچینەوەیان لە دۆسیەکانیان کرد. لە چالاکییەکەدا داکۆکیکارانی مافی مرۆڤ، ئەندامی دەستەی بەڕێوەبردنی ناوەندی (م.ی.ک) دەم پارتی و موسا پیرۆغڵو بەشداری هەفتەی ١٠٠٩ی چالاکییەکەیان کرد. دایکان چەپەگوڵیان لە پێش وێنەی کەسوکارە ونبووەکانیان دانا.

لە چالاکییەکەی ئەم هەفتەیەدا، داوای لێپێچینەوەیان لە فایلەکانی ئایتەن ئۆزتورکیان کرد کە ٣٢ ساڵ لەمەوبەر لەلایەن ژیتەمەوە لە دێرسیم کوژرا. گوڵسەرەن یۆلەری بەسەرهاتی ئۆزتورکی خوێندەوە، و وتی کە تێکۆشانیان بۆ ڕاستی و دادپەروەری لەم ساڵانە بێ ئەنجام ماوەتەوە.

هەروەها یۆلەری وتی: " ئەوان واز لە داوای دادپەروەری بۆ ئۆزتورک و هەموو بێسەروشوێنەکراوەکان ناهێنن و بەردەوام لەبیرمانە کە دەوڵەت دەبێت لە چوارچێوەی بەندە یاساییەکاندا مامەڵە بکات.