فراکسیۆنی فەرەنسا سەر نانەوێنێت (La Franca Insoumîse) لەبارەی کۆمەڵکوژکردنی ٣ ژنی تێکۆشەری کورد لە پاریس راگەیاندراوێکی بەناوی "کاتی ئەوە هاتووە فەرەنسا نهێنیی دەوڵەت لەسەر ئەو کۆمەڵکوژییە هەڵگرێت" بڵاوکرایەوە.

لە راگەیاندراوەکەیاندا هاتووە، "٩ی کانوونی دووەمی ٢٠١٣ لە بینای ناوەندیی ئینفۆرماسیۆنی کوردستان لە پاریس سێ چالاکوانی کورد کۆمەڵکوژکران.

ساکینە جانسز بەپێی یاساکانی فەرەنسا مافی پەنابەریی لە فەرەنسا هەبوو، فیدان دۆغان بەپێی یاساکانی فەرەنسا لە فەرەنسا بوو و لەیلا شایلەمەز بەپێی یاساکانی ئەڵمانیا لە ئەوروپا دەژیا، بەڵام ئەو ژنانە لە دڵی پاریسدا تیرۆر کران.

 سەرۆک کۆماری ئەو کاتی فەرەنسا فرانسوا ئۆلاند و سەرۆک وەزیری ئەو کاتی فەرەنسا ئەو تاوانە قورس و گەورەیەیان بە شێوەی 'کردەیەکی نەزانراو' ناو بردووە.

وەک لە مێژە دەیزانین، ئەنقەرە دەستی لە 'پلانسازی و ئامادەکاریی' تیرۆرەکەدا هەیە، بەڵام دام و دەزگاکانی تورک و بە تایبەتی دام و دەزگا پەیوەندیدارەکانیان هەرگیز ئامادە نەبوون هاوکاریی لێکۆڵینەوەى پۆلیس و داواکاری گشتی بکەن، کە دەبوایە بەپێی رێککەوتنی ئەنجوومەنی ئەوروپا بۆ بەرەنگاربوونەوەى تیرۆر لە ٢٧ی کانوونی دووەمی ١٩٩٧دا هاوکاریی پێویست و تەواویان بکردایە.

هەشت ساڵ بەسەر تیرۆرکردنی ساکینە، فیدان و لەیلادا تێپەڕیوە و سەرباری ئەوەش بەرپرسانی ئێمە بۆ هاوکاریکردنی دادگا ئامادە نیین گوشار لە تورکیا بکەن و ئەوەش بەهۆی 'کاریگەریی' راگەیاندنی تورک و تۆڕە شاراوەکانی دەزگای هەواڵگریی تورک (میت)ەوەیە.

کاتی ئەوەیە وڵاتەکەمان بابەتی پەیوەندیدار بە تیرۆری ئەو سێ کەسە ئاشکرا بکات و لە بڕگەى نهێنینی دەوڵەت دەریبهێنێت.

کاتی ئەوە هاتووە وڵاتەکمان لە بەرامبەر دەوڵەتی خوێنخۆردا کۆتایی بە بێدەنگی بهێنێت. لە وڵاتەکەماندا لە سێشەممە ٢٣ی ئاداری ٢٠٢١ ژمارەیەکی زۆر لە تێکۆشەرانی کورد دەستگیرکران و پشکنینی بینای کۆمەڵە کوردییەکان ئەنجامدرا، بێگومان بەو کارانە ناتوانن تێکۆشانی کوردان لە خاکی ئێمەدا بە نەبوو بزانن و خۆتان بکەن بە 'باڵی چەکداری' رژێمێکی دیکتاتۆر.  

ئێمە پشتیوانیی تەواوی خۆمان بۆ تێکۆشانی مان و نەمانی کوردان دووبارە دەکەینەوە. داوا لە هەموو رێکخراوەکانی کۆمەڵی مەدەنی و  حیزبە سیاسییەکان دەکەین، لە بەرامبەر ئەو بێدادییەی لە فەرەنسادا بەسەر کورداندا دەهێنرێت بیدەنگ نەبن".

ناوی ئەو کەسانەى راگەیاندراوەکەیان ئیمزا کردووە:

بەڕێز ژان لوک میلانشۆن

خاتوو کلیمینتن ئاوتاین

بەڕێز ئۆگۆ بیرنالیس

بەڕێز ئێریک کۆکویریل

بەڕێز ئالێکسیس کۆربیرە

خاتوو کارۆلین فیات

بەڕێز باستین لاچواد

بەڕێز میشیل لارڤی

خاتوو دانییەل ئۆبۆنۆ

خاتووو ماتیلدە پانۆت

بەڕێز لۆیک پرودهۆم

بەڕێز ئادریان کواتینیس

بەڕێز ژان – هوگیوس راتینۆن

خاتوو مورییل ریسینگویر

خاتوو سابینە روبین

بەڕێز فرانچس روفین

خاتوو بێنیدێکت تاورین

ژ.ت