کۆنفیدراسیۆنی سەندیکای کرێکارانی شۆڕشگێڕ DISK، کۆنفیدراسیۆنی سەندیکای ڕەنجدەرانی کاموی KESK ویەکێتی بیناسازی و ئەندازیارانی تورک TMMOB و یەکێتی پزیشکانی تورک TBB ڕایانگەیاند ئەمساڵ ١ی گوڵان لە کادکۆی پیرۆز دەکەین.
ڕاگەیاندراوە هاوبەشەکە لە ئەسکەلەی بێشکتاش لە لایەن کۆنفیدراسیۆنی سەندیکای کرێکارانی شۆڕشگێڕ، کۆنفیدراسیۆنی سەندیکای ڕەنجدەرانی کاموی ، یەکێتی بیناسازی و ئەندازیارانی تورک و یەکێتی پزیشکانی تورکەوە خوێندرایەوە.
هاووتەبێژی کۆنگرەی دیموکراتیکی گەلان (هەدەکە) عەلی کەنانۆغلۆ، ئەندامانی سەندیکا و چەندین کەس بەشداری ڕاگەیاندراوەکە بوون.
سەرۆکی گشتیی DISK ئارزو چەرکەزۆئۆغلۆ گوتی: "ئیرادەی خۆمان سەبارەت بە ئاهەنگەکانی تەقسیم بە بەرپرسان ڕاگەیاندووە، بەڵام بینیمان هەڵوێستی قەدەغەکردنیان بەردەوامە. بۆ وڵاتێکی یاسایی بەرخۆدان دەکەین."
لە کۆتایی قسەکانییدا ئارزو چەرکەزۆئۆغلۆ ئاماژەی بەوەدا: "گۆڕەپانی کادکۆی یەکێک لەو گۆڕەپانەیە کە پێشتریش ١ی گوڵانمان تێدا پیرۆز کردوە. . ئەمساڵ بەبێ ئەوەی دەست لە ئیرادەی تەقیسمان هەڵبگرین، بەرەو کادکۆی دەڕۆین و لەوێ کۆدەبینەوە."
