فەرەنسا داوا لە هاوڵاتیانی دەکات ئێران جێبهێڵن
فەرەنسا ڕایگەیاند بەتایبەت پاش کوشتنی سەرۆکی حەماس مەترسی پێکدادانی سەربازی لە هەرێمەکە زیاتر بووە، بانگەوازی لە هاوڵاتیانی کرد ئێران جێبهێڵن.
ڕۆژی چوارشەممە سەرۆکی بزووتنەوەی ئیسلامیی سیاسیی فەڵەستین، ئیسماعیل هەنیە لە تاران کوژرا. چەند کاتژمێرێک پێش هێرشەکە، ڕۆژی سێشەممە فەرماندەی سەربازی بزووتنەوەی ئیسلامیی لوبنان، حزبوڵا، فوئاد شوکر لە گەڕەکەکانی باشووری بەیروت کوژرا.
بەهۆی ئەم دوو هێرشەوە، مەترسی شەڕ لە تەواوی ڕۆژهەڵاتی ناوین لەنێوان ئیسرائیل و ئێران و گرووپەکانی سەر بە ئێران لە لوبنان و سوریا و عێراق و یەمەن زیاتر دەبێت.
لەم چوارچێوەیەدا وەزارەتی دەرەوەی فەرەنسا بانگەوازی لە هاوڵاتییەکانی خۆی لە ئێران کرد، بگەڕێنەوە بۆ فەرەنسا.
