هەبەدەهە ناڕەزایەتی خۆی لەبەرامبەر هێرشە فاشیستیەکانی سەر قەیسەری نیشاندا و وتی: "پێویستە لە دژی ئەو سیاسەتانەی کە خزمەتی فاشیست دەکات بوەستینەوە و هەموو گەلانی بندەست یەکێتی خۆیان دامەزرێنن."
کۆمیتەی بەڕێوەبەری تەڤگەری شۆڕشی یەکگرتووی گەلان (هەبەدەهە) لە دژی هێرشە فاشستیەکانی بەرامبەر سورییەکان ڕاگەیانداوێکی نوسراوی بڵاوکردوە.
لە سەرەتای ڕاگەیاندراوەکەدا هاتووە: "لە ساڵوەگەڕی قڕکردنەکانی سێواس و چۆرومەدا کە دەوڵەتی تورک لەدژی ڕەنجدەرانی عەلەی پێکیهێنا. لەبەردەوامی هێرشە قڕکارییەکان بۆ سەر گەلی کورد، عەلەوی، ئەرمەنی و ڕومیدا هێرشی سەر پەنابەرانی سوری لە قەیسەری ئەنجامدرا. ئەم هێرشانەش تەواوکەری هێرشە قڕکارییەکانی دەوڵەتی تورکە."
لە بەشێکی دیکەی ڕاگەیاندراوەکەدا هاتووە: "ئەم هێرشانەی سەر کۆچبەرە سورییەکان هیچ جیاوازییەکی نیە لەگەڵ سیاسەتی قڕکردن کە لەکوردستاندا لە دژی عەلەوییەکان و هێزە دیموکراتیکەکان ئەنجام دەدرێت. فاشیزم هەموو کاتێک کار لەسەر نانەوەی شەڕدەکات لە نێوان گەلاندا. بۆیە وەک یەکێتیەکی شۆڕشگێڕی تورکیا و کوردستان بانگەوازی لە هەموو کرێکار و ڕەنجدەران دەکەین لەبەرامبەر سیاسەتی ڕەگەزپەرستی و فاشیستدا بوەستنەوە. ئاشکرایە گەر ڕێگری لەم هێرشانە نەکرێت، ئەوە لە داهاتوودا بەرۆکی هەموومان دەگرێتەوە."
لە کۆتای ڕاگەیاندروەکەدا بانگەوازی لە گەلانی تورکیا و باکووری کوردستان دەکات و دەڵێت: "ڕزگاری گەلان پەیوەستە بە تێکۆشانی شۆڕشگێڕی یەکگرتووەوە. ڕوخاندنی فاشیزمی پیاوانی سەردەست، ڕزگاری ژنانە. پێویستە لە دژی ئەو سیاسەتانەی کە خزمەتی فاشیست دەکات بوەستینەوە و هەموو گەلانی بندەست یەکێتی خۆیان دامەزرێنن. پێویستە گەلانمان لەدژی فاشست خۆی بەڕێکخستن بکات و بەشداری ناو ڕیزەکانی میللی و گەریلاکانی هەبەدەهە ببن. بانگەوازی لە هەموو گەلان دەکەین ببنە شەڕڤانی چالاکی ئەم تێکۆشانە. ئەمە دۆزی هەموومانە، ڕزگاربوون و ئازادی ئامانجی هاوبەشی هەموومانە."
