جە فێستیڤاڵەکەنە سەرەتا دووۍ پانێڵۍ چېرو نامونیشانو 'ژیۋای ئیکۆلۆژیکی' و' ئازاڎیی رابەرو گەلوو کوردی عەبدوڵا ئۆجالانی' لوۍ ڕاوە.

بەرنامەی سەرەکی فێستیڤاڵەکەیچ دماو دەیەقێوە رێزگېرتەی جە یاڎوو گەشمەرڎا ئازاڎیی کورڎەسانی دەسشپنەکەرد.

هامسەرۆکا ناوەڼو جەمەو دیموکراتیکی کوردی جە کاسێڵ-نە قسێشا کەردۍ و ئەرەیاۋناشا، "سەرەتا سڵام جە خولقنەرو شۆڕشی رابەر ئاپۆی مکەرمۍ. هیواڎارێنمۍ فەلسەفەی ئاپۆیی جە ۋەرنیشتەنە بەتەمامی جابەجێ بکریۆ و سەرمەشقایەتی بکەرۆ".

دماتەر بەنامۍ جەمەو بنەیانەو گەشمەرڎاوە (کۆماو)ی ئەحمەد ئاکتاش قسێش کەردۍ و ئانەش وست ڕووە کە جە جەنگوو دژ بە سوپاو تورکی ئەرەگیرینە ژمارەو گەشمەرڎا تامۍ زیاتەرۍ باو واتش، "ئێمە بەردەوام سەرو رێچکە و رێبازو گەشمەرڎاوە بیمۍ. ئەرەکۊشای گەریلاکاو ئازاڎیی کورڎەسانی سەرەو ئێمەش بە بەرزی ڕاگرتەن، گەشمەرڎەکېما ڕاما رۆشن مکەراوە".

هامسەرۆکوو فەد-دەمی سەباحەت ئەرگین جە فێستیڤاڵەکەنە سەرەڕاو خێرئاماییی کەردەو مێمانەکاو بەشدارا مەراسیمەکەی، هۊرسەنگنایش پەی پرسە گەرمەکا ڕۊی کەرد.

جە فێستیڤاڵەکەنە شۊنێوە تایبەتە بە گەمەو زاوڵا ئاماڎەکریابۍ، حەرپاسە مېزەو کتێبا و وەاردەی نریێبێرە. هۆزان سەرفرازە، کۆما گەشمەرڎە خەباتی و کەوێ لوۍ سەرو تەختەو شانۆی و گۆرانیێشا چڕیۍ. بەشدارایچ بە هۊرپڕای فیستیڤاڵەکەشا گەرمتەر کەرد.

جە فێستیڤاڵەکەنە کە بە جۆش و خرۆشێوە فرۆ لواڕاوە، بەردەوام دروشمەو 'بژیۋۆ مڎرامانوو ۋەرنیشتی' وچیاوە.