لە شاری تۆرنتۆی کەنەدا، هێرشی کیمیایی دەوڵەتی تورکی داگیرکەر بۆ سەر گەریلاکان لە هەرێمەکانی پاراستنی مەدیا و بێدەنگیی ڕێکخراوی قەدەغەکردنی چەکی کیمیایی  (OPCW) بەرامبەر ئەو هێرشا کیمیاییانە ئیدانە کرا.

گەل لە گۆڕەپانی بلوور کۆبوونەوە و بە لافیتە و پۆستەر سەرنجی هاووڵاتییانیان ڕاکێشایە سەر هێرشە کیمیاییەکانی دەوڵەتی تورک بۆ سەر کوردستان.

چالاکوانان بۆ ماوەی ٢ کاتژمێر بە دەم وتنەوەى دروشم و بەرزرکردنەوەى پۆستەر و لافیتە بە شەقامە سەرەکییانی شارەکەدا ڕێپێوانیان ئەنجامدا.

لە رێپێوانەکەدا دروشمەکانی 'بژی بەرخۆدانی گەریلا'، 'بژی سەرۆک ئاپۆ' 'ئەردۆغان بکوژ' دەوترانەوە.

چالاکوانانی خۆپیشاندەر راگەیاندراوێکیان خوێندەوە و لە ڕاگەیەندراوەکەدا هاتبوو، دەوڵەتی تورک گازی کیمیایی بەکاردەهێنێت،  تاوانی دژ بە مرۆڤایەتی ئەنجام دەدات. بۆیە بێدەنگیی دەوڵەتە ڕۆژئاواییەکان و دامەزراوەکان و رێکخراوەکان لە بەرامبەر ئەو  دڕندەیییەدا ئیدانە کرد.

لە ڕاگەیەندراوەکەدا هاتووە، دەوڵەتی تورک سەدان جار گازی کیمیایی لە هەرێمەکانی پاراستنی مەدیا بەکارهێناوە.

لە ڕێپێوانەکەدا پۆستەرەکانی عەبدوڵا ئۆجالان ڕێبەری گەلی کورد بەرزکرابوونەوە و بە دروشم و لافیتەکانیان سەرنجەکانیان راکێشایە سەر تاوانەکانی جەنگی دەوڵەتی تورکی داگیرکەر.

هەروەها ژمارەیەکی زۆر راگەیاندراو بە زمانی ئینگلیزی لەبارەی تاوانەکانی دەوڵەتی تورکی داگیرکەر بەسەر هاووڵاتییاندا بڵاوکرایەوە.

ژ.ت