هەواڵی کۆچی دوایی ڕۆژنامەنووس حوسێن نارلی (ئۆککەش ئونلوبەیر) لەلایەن هەڤاڵانی ڕۆژنامەنووسییەوە بڵاو کرایەوە.

نارلی هاوکات یەکێک بوو لە کەسایەتییە گرنگەکانی بزووتنەوەی سۆسیالیستی تورکیا. هەروەها یەکێک بوو لە دامەزرێنەرانی تەلەفزیۆنی ١٠ و جان تیڤی.

شیار مونزور، یەکێک لە هاوپیشەکانی پەیامێکی بڵاوکردەوە و وتی: "زانیارییەکی دڵتەزێن، برای گەورەمان حوسێن کۆچی دوایی کرد".

جان تی ڤی-یش لە ئەکاونتی تویتەرەکەیدا بڵاویکردەوە، "یەکێک لە دامەزرێنەرانی تەلەفزیۆنی ١٠ و جان تیڤی، پێشکەشکار و هاوڕێی ئازیزمان کۆچی دوایی کرد. ئێمە بەو کۆچە ئازاری زۆرمان چەشت".

یەکێک لە هەڤاڵانی لە ڕۆژنامەی یەنی ئۆزگور پۆلیتیکا بە ناوی سوات بۆزکوش، ئەم پەیامەی بڵاوکردەوە و وتی: "هەڤاڵ و هاوڕێی ٥٠ ساڵەم، براکەم، هاوڕێم ئۆککەش ئەنلوبایەر (حوسێن نارلی) ئێوارەی ئەمڕۆ کۆچی دوایی کرد. بەو کۆچە زۆر نیگەران بووین و زۆر ئازارمان چەشت".

ژ.ت