رێکخراوی چاودێری مافەکانی مرۆڤ (هیومان رایتس وۆچ) و کۆمەڵەی ئازادی رادەربڕین (ئای ئێف ئۆ دی) سەبارەت بە فیلتەرکردن و قەدەغەکردنی ئینستاگرام لەلایەن دامەزراوە زانیاری و راگەیاندنی تورکیا (بەتەکە) لە ٢ی ئاب راگەیەندراوێکیان بڵاوکردەوە و تیایدا باسیان لەوەکرد ئەو بڕیارە هەڕەمەکیە پێشێلکردنی مافی ئازادی رادەڕبرین و مافی زانیاری وەرگرتنە.

لە راگەیەندراوەکە داواشکراوە کە ئەو قەدەغەکارییە هەڵبوەشێتەوە و جەختیان کردووەتەوە، "کە لە دژی قەدەغەکردنی دەستڕاگەیشتن بە پلاتفۆڕمەکانی سۆشیاڵ میدیا هەنگاوی ئازایانە دەنێن". هاوکات ئەوەش بە بیرهێنراوەتەوە کە ماڵپەڕە هەوآڵیەکانی وەک دۆیچەڤلە و دەنگی ئەمریکاش لە حوزەیرانی ٢٠٢٢ەوە فیلتەر کراون و لە کۆتایی مانگی ئاداریشەوە سەدان ماڵپەڕ فیلتەر کراون. هەروەها ئاماژە بە فیلتەرکردنی واتپاد و رۆبلۆکسیش کراوە.