جەنگاوەرانی بەندا ئامەدی هەبەدەهە ڕایگەیاند کە ڕۆژی ٢٧ی تەمموز کاتژمێر ٠٢.٣٠ لە ناوچەی کۆیجەگیزی- موغلا، لە ناوچەی پیشەسازی بە تاکتیکی سابۆتاژ ئاگریان لە کارگەیەکی ریسایکلین بەرداوە.

لە ڕاگەیەندراوەکەدا هاتووە: "ئەم چالاکییە وەک وەڵامێک بۆ هێرشە داگیرکەرییەکان لە باشوور و باکوری کوردستان ئەنجامدراوە و لە ئەنجامدا کارگەی ڕیسایکلین سووتا و لەناوچوو."

جەنگاوەرانی هەبەدەهە، لە ڕاگەیاندراوەکەیاندا زانیارییان داوە کە کارگەیەکیش زیانی بەرکەوتووە و وتی: "دوای چالاکییەکە، جەنگاوەرەکانمان بە سەلامەتی گەیشتوونەتەوە شوێنەکانی خۆیان، بە هۆی چالاکییەکەوە بە هەزاران لیرە زیانی ماڵی بەر کارگەکان کەوتووە.

هەروەها لە ڕاگەیاندراوەکەدا هۆشداری دراوە: "ئێمە لێپرسینەوە و تۆڵە لە هەر ناوەند و کەسانێک دەکەینەوە کە دژی گەل تاوان ئەنجام دەدن! هەروەها دژی داگیرکاری لە کوردستان شەڕ دەکەین! هەروەک چۆن درۆنە پێشکەوتووەکانتان دەخرێنە خوارەوە، تێکشکاندنی خۆتانیش مسۆگەرە!"