خانەوادەکان بە مەبەستی چاوپێکەوتن لە ئیمڕالی سەردانی بەرپرسانیان کرد
خانەوادەی عەبدوڵلا ئۆجالان رێبەری گەلی کورد و خانەوادەی زیندانیانی دیکەی ئیمڕالی بۆ ئەوەی چاوپێکەوتن ئەنجام بدەن، سەردانی داواکاری گشتی و بەڕیوەبەرایەتی زیندانی ئیمڕالیان کرد.
محەمەد ئۆجالان برای عەبدوڵلا ئۆجالان رێبەری گەلی کورد و پارێزەرەکەی مەزلۆم دینچ و خانەوادەی عومەر خەیری کۆنار، حامیلی یڵدرم، وەیسی ئاکتاش زیندانیانی دیکەی ئیمڕالی، بۆ ئەوەی چاوپیکەوتن ئەنجام بدەن، سەردانی داواکاری گشتی بۆرسا و بەڕیوەبەرایەتی زیندانی ئیمڕالیان کرد.
خانەوادەکان لە رێگەی داواکاری کۆماری بۆرسا سەردانی بەڕێوەبەرایەتی زیندانی ئیمڕالیان کرد، بۆ ئەوەی بتوانن سەردانی ئیمڕالی بکەن.
بەرپرسان تاوەکو ئێستا وڵامی خانەوادە و پارێزەرەکانیان نەداوەتەوە.
ف.ق
