بەبۆنەی دەهەمین ساڵیادی کۆمەڵکوژی شەنگالەوە، لە یەریڤانی پایتەختی ئەرمەنستان و فرانکفۆرتی ئەڵمانیا چالاکی ئەنجامدرا و قوربانیانی کۆمەڵکوژییەکە یادکرانەوە.

یەریڤان

دامەزراوەی جڤاکی ئێزدی بەبەشداری ژمارەیەک لە هاوڵاتیان، چالاکییەکی ئەنجامدا و قوربانیانی بیرهێنایەوە.

پەرلەمانتار کینیاس حەسەنۆڤ و ئەندامی یەکێتی ژنانی ئازاد سەیران جەلاد قسەیان کرد.

لە چالاکییەکەدا گوترا: "هەموو ئەو هێزانە بەتوندی شەرمەزار دەکەین کە هاوکاری چەتەکانی داعشیان کرد".

دووپاتکرایەوە لەکاتی هێرشەکەدا جڤاکی ئێزدی بێ پاراستن جێهێڵرا، گوترا: "لەسایەی تەڤگەری ئازادی کوردستان، جڤاکی ئێزدی پاش کۆمەڵکوژی شەنگال، خۆیان ڕێکخست و هێزی پاراستنی خۆیان دامەزراند. سڵاو لە بەرخۆدان و هێزی گەلی شەنگال دەکەین".

لەکۆتاییدا گوڵ لەسەر پەیکەری فەرمان دانرا.

فرانکفۆرت

بەهەمانشێوە لە شاری فرانکفۆرتی ئەڵمانیا بە پێشەنگایەتی مەجلیسی ژنانی ئامارا و (Women Defend Rojava) چالاکییەک ئەنجامدرا و قوربانیانی کۆمەڵکوژییەکە یادکرانەوە.

لە چالاکییەکەدا پەیامی ڕێکخراوی ژنانی ئێزدی و تەژەئا خوێنرایەوە.

لە چالاکییەکەدا دووپاتکرایەوە کۆمەڵکوژییەکە دەریخست کە ڕێکخستنی خۆپاراستنی ژنان و گەلان چەندە پێویستە، هەروەها ئاماژەکرا بە ڕێکخستن بە ڕۆحیب "ژن، ژیان، ئازادی".