کوشتنی ژینا ئەمینی لە ستۆکهۆڵم ئیدانەکرا
لە شاری ستۆکهۆڵمی پایتەختی سوید خۆپیشاندانێک بۆ ژینا ئەمینی ڕێکخرا، کە لەلایەن پۆلیسی ڕەوشتی ئێرانەوە کوژرا.
دوێنێ کاتژمێر ١٧:٠٠، چەندین ڕێکخراو و دامەزراوە و دەزگای کوردی لە شاری ستۆکهۆڵمی سوید چالاکییەکیان بۆ شەرمەزارکردنی کوشتنی ژینا ئەمینی، کە لەلایەن دەوڵەتی ئێرانەوە کوژرا و بۆ پشتگیریکردنیش لە ڕاپەڕینەکانی ڕۆژهەڵاتی کوردستان و ئێران بەڕێوەبرد.
هەزاران کوردی ڕۆژهەڵاتی کوردستان لە ناوچەی سێرگێلس تۆرگیت کۆبوونەوە و دروشمی "ژن، ژیان، ئازادی" و "دەوڵەتی بکوژ" وترانەوە.
چالاکوانان بە ئامانجی ئیدانەکردن قژیان بڕی و هەندێکیان لەچکی خۆیان فڕێدایە سەر زەوی و سوتاندیان.
هەروەها لە وتەکاندا داوای یەکڕیزیی کوردان کرا.
هەروەها گۆرانیی شۆڕشگێڕیش ڕەنگ و دەنگی چالاکییەکە دا.
ژ.ت
