لە شاری بیلەفێڵدی ئەلمانیا بە رێکخستنی چالاکییەک گۆشەگیریی سەر عەبدوڵا ئۆجالان رێبەری گەلی کورد ئیدانە کرا و سڵاو لە بەرخودانی مانگرتنی زیندانیان کرا، کە زیندانیان بۆ کۆتایهێنان بە گۆشەگیری لە مانگرتندان.
چالاکییەکان بۆ پشتیوانیکردن لە بەرخودانی مانگرتنی بێسنووری زیندانیان بۆ تێکشکاندنی گۆشەگیریی سەر عەبدوڵا ئۆجالان رێبەری گەلی کورد و ئیدانەکردنی پێشێلکاریی مافەکان لە زیندانەکاندا بەردەوامیی هەیە و زیندانیان لە رۆژی ٢٧ی تشرینی دووەمی ٢٠٢٠ لە مانگرتندان.
لە شاری بیلەفێڵدی ئەڵمانیا کوردستانیان و دۆستەکانیان بە رێکخستنی گردبوونەوەیەک سڵاویان لە بەرخودانی زیندانیان کرد و گۆشەگیرییان ئیدانە کرد.
چالاکییەکە لە بەردەم ناوەندی ترەنی شارەکە بە خولەکێک رێزگرتن دەستیپێکرد. ئەنجوومەنی دیموکراتیکی گەل لە بیلەفێڵد و بزووتنەوەی گەنجانی شۆڕشگێڕ، بزووتنەوەى ژنانی گەنجی تێکۆشەر و چالاکوانانی یەکێتیی هێزە دیموکراتیکەکان بەشداری چالاکییەکە بوون.
عوسمان ئەرگین سیاسەتمەداری کورد وتەیەکی پێشکەشکرد و رایگەیاند، لەلایەن دەوڵەتی تورکەوە لە دژی عەبدوڵا ئۆجالان رێبەری گەلی کورد گۆشەگیرییەکی بەرنامە بۆ دانراو بەڕێوەدەچێت و رایگەیاند، بەرخودان درێژەى دەبێت.
ئەرگین راشیگەیاند، "تاوەکو عەبدوڵا ئۆجالان رێبەری گەلی کورد ئازاد نەکرێت، بە دڵنیاییەوە تێکۆشانەکەمان بەردەوامیی دەبێت" و ئەوەشی راگەیاند، لە کەسایەتیی عەبدوڵا ئۆجالان رێبەری گەلی کورددا هەموو تورکیا لە گۆشەگیریدایە.
هاوکات لەو گردبوونەوەیەدا عیسا رۆژئاوا بە ناوی پەیەدە و ئیسماعیل تاش بە ناوی یەکێتیی هێزە دیموکراتیەکان و سەرحەد سەرحەدی بە ناوی بزووتنەوەى گەنجانەوە وتەیان پێشکەشکرد.
لە چالاکییەکەدا یەک لەسەر یەک دروشمەکانی "بژی سەرۆک ئاپۆ" ، "بکوژ ئەردۆغان" و "ئازادی بۆ زیندانیان" دەوترایەوە و داواکرا، چالاکوانان و وڵاتپارێزان و ئازادیخوازان بەشداری لە چالاکییەکەى دوسلدۆرف دا بکەن و چالاکییەکە کۆتایی پێهات.
ژ.ت
