چالاکیەکە لەسەر بانگەوازی ڤەکساڤ لە بەردەم پەرلەمانی هۆڵەندا لە شاری دەن هاگ ئەنجامدرا و ئەندامانی ڤەکساڤ، ئادەهەکە، هەتەئیفە و ناوەندی کۆمەڵگای دیموکراتیکی کورد لە رۆتێردام بەشداریان کرد.

لە چالاکیەکەدا پانکارت و وێنەری ئەو کەسانەی لە تورکیا و کوردستان و جیهان لەلەایەن سیستمەکانەوە بێسەروشوێن کراون، بەرز کرانەوە.

دواتر راگەیەنراوی نووسینگەی نێودەوڵەتی ICAD لەبارەی هەفتەی بێسەروشوێنەکان خوێندرایەوە.

بۆ ئەوەی چارەنووسی بێسەرشوێنەکان ئاشکرا بکرێت و تاوانباران دادگاییبکرێن، داوا لە هەموو کەسێک کرا کە خاوەنداری لە تێکۆشان و هەوڵی خانەوادەی بێسەروشوێنەکان بکەن.

چالاکی بە دروشمی 'بمرێ فاشیزمی دیکتاتۆر ئەردۆغان' و 'بژی پشتگیری ئینتەرناشناڵ' و 'تێکۆشانی ئێوە تێکۆشانی ئیمەیە' کۆتایی هات.

ف.ق