لە شاری میلانۆی ئیتاڵیا لەسەر بانگەوازی تۆڕی پشتیوانی کوردستان (Rete Kurdistan Italia) و کۆمیتەی کوردی ئیتاڵیا، دژی هێرشەکانی دەوڵەتی داگیرکەری تورک بۆ سەر باشووری کوردستان بە درووشمی "دژی داگیرکاری کوردستان بپارێزە" گردبوونەوەیەک لەبەردەم کونسوڵخانەی تورک ئەنجامدرا. سەدان کوردستانی و نوێنەری ڕێکخراوە ئیتاڵییەکان بەشداربوون. ئاڵای ڕێبەری گەلی کورد عەبدوڵا ئۆجالان و پەکەکە و پانکارتی "کوردستان بپارێزە" و "نا بۆ شەڕ و داگیرکاری لە کوردستان" بەرزکرایەوە.

لە گردبوونەوەکەدا دەوڵەتی داگیرکەری تورک و بێدەنگی وڵاتانی ئەوروپا بەرامبەر داگیرکار و کۆمەڵکوژی شەرمەزارکرا.

بانگەواز کرا بۆ بەهێزکردنی پشتیوانی بۆ گەلی کورد. گردبوونەوەکە بە درووشمی "فاشیست تورکیا" و "دیکتاتۆر ئەردۆگان" و "بژی کوردستان" و "ئازادی بۆ عەبدوڵا ئۆجالان" و "ژن، ژیان، ئازادی" کۆتایی هات.