٤١ مانگە بە هیچ شێوەیەک زانیاری لە ڕێبەری گەلی کورد عەبدوڵا ئۆجالان وەرناگیرێت، بۆ شەرمەزارکردنی بێدەنگی دامەزراوە نێونەتەوەییەکان و بیرخستنەوەی بەرپرسیارێتیان، چالاکی کوردان و دۆستەکانیان لە چەندین وڵات بەردەوامە.

ئەم چوارشەممەیە لە بروکسلی پایتەختی بەلژیکا لە ناوەندی زانیارییە هەرێمییەکانی ئەوروپای نەتەوە یەکگرتووەکان، چالاکی نافەرمانیی مەدەنی ئەنجامدرا.

کۆبوونەوە لەگەڵ بەرپرسانی ناوەندەکە ئەنجامدرا و پەیوەست بە ڕەوشی ئیمراڵی داوای زانیاری کرا و بانگەوازکرا بۆ هەڵگرتنی بەرپرسیارێتی.

لەدەوری بیناکە پۆلیس ڕێوشوێنی بەرفراوانی گرتەبەر، پاش کۆبوونەوەکە چالاکییەکە کۆتایی هات.