لە شاری لیفکۆش لە وڵاتی قوبرس هێرشە داگیرکەرییەکانی دەوڵەتى تورک بۆ سەر باشووری کوردستان ئیدانە کران. چالاکیی ئیدانەکردنەکە لە چوارچێوەی کەمپەینی ئیمزاکۆکردنەوە بۆ نەتەوە یەکگرتووەکان بەڕێوەچوو. لە چالاکییەکەدا ستاند دانرا و کتێبەکان لەبارەی پارادیگمای "کۆنفیدراڵیزمی دیموکراتیک"ی عەبدوڵا ئۆجالان رێبەری گەلی کورد ناسێنران و بڵاوکرانەوە.

ستاندەکە بە ئاڵاکانی یەپەگە، یەپەژە، پەکەکە و وێنەکانی عەبدوڵا ئۆجالان رازێنرابووە.

کوردستانیان و دۆستەکانیان لە گۆڕەپانی ئازادی تاوەکو دەروازەی سنوور لە ناوچەى لیدرا پاڵاس رێپێوانیان ئەنجامدا، کە لە ئەو ناوچەیەی قوبرس لەلایەن دەوڵەتی تورکەوە داگیرکراوە.

کوردستانیان لە بەردەم دەروازەی سنووردا کۆبوونەوە و دروشمەکانی "بمرێ فاشیزم"، "بمرێ دەوڵەتی تورکی داگیرکەر"، "بژی سەرۆک ئاپۆ" ، "کوردستان دەبێتە گۆڕستانی فاشیزم"یان دەوتەوە.

لە چالاکییەکەدا راگەیاندراو خوێندرایەوە و دواتر سیاسەتمەداری کورد لەزگین سەرحەدی وتەیەکی پێشکەشکرد و رایگەیاند، هێڵی خیانەتی پەدەکە نەک تەنها ئەمڕۆی خۆی نیشانداوە، بەڵکو ئەو هێڵە لەوەتەى هەیە کوردستان رادەستی داگیرکەران دەکات.

چالاکییەکە بە وتنەوەى دروشمی "بمرێ خیانەت" کۆتایی پێهات.

ژ.ت