ئەو ئێزدییانەی لە ٣ی ئابی ٢٠١٤دا لە شەنگال لە هێرشی داعشدا کۆمەڵکوژکران، لە شاری شتوتگارتی ئەڵمانیا لە دەیەم ساڵیادی کۆمەڵکوژیەکەدا یادیان کرایەوە. چالاکی یادکردنەوەکە بە پێشەنگایەتی کۆمۆنی ژنانی مەریەم سازکرا و بە خولەکێک بێدەنگی بۆ رێزلێنان لە یادی قوربانیانی جینۆساید و شەهیدانی تێکۆشانی ئازادی کوردستان دەستیپێکرد.

چالاکیەکە لە کۆنیگستراس کە یەک لە قەرەباڵغترین شەقامەکانی شتوتگارتە بە بەشداری ژمارەیەکی زۆر لە کوردستانیان و دۆستانیان ئەنجامدرا. لە چالاکیەکەدا پلاکارد و وێنەکانی کاتی جینۆسایدەکە بەرزکرانەوە.

ئەو ژنانەی بەشدارییان لە چالاکیەکەدا کردبوو ناڕەزایەتیان بەرامبەر بە جینۆساید دەربڕی و هاوکات پشتیوانیان بۆ بەرخودانی یەپەگە و یەپەژە دووپات کردەوە.

لە چالاکی یادکردنەوەکەدا شانۆیەک لەبارەی جینۆسایدی ئێزدییەکان نمایش کرا.