ستۆکهۆڵم

بەبۆنەی دەهەمین ساڵیادی کۆمەڵکوژی شەنگالەوە، لە ستۆکهۆڵمی پایتەختی سوید بە پێشەنگایەتی مەجلیسی ژنانی ئامارا چالاکی ئەنجامدرا.

بەناوی مەجلیسی ژنانی ئاماراوە ڕایگەیاندراوێک خوێنرایەوە و گوترا: "مافی دیاریکردنی چارەنووس، زامنی ئایندەیەکی سەلامەتە بۆ ئێزدییەکان".

هەروەها دووپاتکرایەوە، ئامانجی داعش قڕکردنی ئێزدییەکان بوو، ئەم هەوڵە بەشێوەیەکی ئەنقەست و سیستەماتیک ئەنجامدرا.

دووپاتکرایەوە هێرشی دەوڵەتی داگیرکەری تورک و گەمارۆی پەدەکە بۆ سەر شەنگال بەردەوامە بۆ دژایەتیکردنی ئیرادەی ئێزدییەکان و ئیدارەی خۆبەڕێوەبەری شەنگال.

کێل

لە شاری کێلی ئەڵمانیا بە پێشەنگایەتی (Defend Kurdistan) و مەجلیسی گەلی کێل چالاکییەک ئەنجامدرا.

لە چالاکییەکەدا خێمە و ستاند دانرس. پانکارت و پرۆشور دەربارەی کۆمەڵکوژییەکە دابەشکرا. هەروەها تیشکخرایەسەر هاوبەشی دەوڵەتی تورک لە تاوانی قڕکردنی شەنگال.

هەروەها جەختکرایەوە هاوکاری دەوڵەتی ئەڵمانیا بۆ تورکیا قبووڵ ناکرێت و گوترا: "بێدەنگبوون مانای قبووڵکردنی کۆمەڵکوژییە لە شەنگال و کوردستان".