لەبەردەم زیندانی ژنانی باکرکۆ، چالاکی "دەنگت بخەپاڵ ئازادی" ئەنجامدرا. لە چالاکییەکەدا پێداگری خزمی زیندانیان دژی گۆشەگیری دەستنیشانکرا. پەیامی "هەتا هەڵگرتنی گۆشەگیری، تێکۆشان بەردەوام دەبێت".
بە پێشەنگایەتی خزمی زیندانیان و لە چوارچێوەی هەڵمەتی ئازادی بۆ عەبدوڵا ئۆجالان و چارەسەری دیموکراتیک بۆ پرسی کورد" لەبەردەم زیندانی باکرکۆ چالاکی "دەنگت بخەپاڵ ئازادی" ئەنجامدرا. کۆمەڵەی ماف و پشتیوانی لە بنەماڵەی زیندانی و حکومدارانی مەڕمەڕە (مە توای-دەر) و دایکانی ئاشتی و بەڕێوەبەرانی پارتی یەکسانی و دیموکراسیی گەلان (دەم پارتی) و هاوڵاتیان بەشداری چالاکییەکە بوون.
جەماوەر بە چەپڵە و هەلهەلە بەرەو بەردەم زیندانی ژنانی باکرکۆ ڕێپێوانیان کرد و درووشمی "بژی بەرخۆدانی زیندان" و "گۆشەگیری تاوانی مرۆڤایەتییە" و "بە بەرخۆدان سەردەکەوین"یان بەرزکردەوە.
یەک لە دایکی زیندانیان، فینجە ئاکمان ڕایگەیاند پێویستە هەموو کەسێکی خاوەن ویژدان ناڕەزایەتی دەرببڕێت بەرامبەر ئەو شتانەی لە زیندانەکان ڕوودەدەن.
پاشان چالاکی دانیشتن ئەنجامدرا و بەشداربوون چەپڵەیان لێدا. هاوسەرۆکی (مە توای-دەر) دیلەک سۆنمەز دەمیر لە چالاکییەکە ڕایگەیاند هەتا گۆشەگیری هەڵنەگیرێت، تێکۆشان و چالاکییەکانیان بەردەوام دەبێت.
