پارێزەرانی رێبەری گەلی کورد عەبدوڵا ئۆجالان بۆ ئەوەی چاویان بە موەکیلەکەیان بکەوێت سەردانی داواکاری گشتیی کۆماری بورسا و بەڕێوەبەرایەتی جێبەجێکردنی سزاکانی ئیمراڵییان کرد.

سەردانەکە لەلایەن پارێزەرانی نوسینگەی یاسایی سەدە سوزان ئاکیپا، ئیبراهیم بیلمەز، جەنگیز یورەکلی و عەمران ئەمەکچی ئەنجامدرا.

پارێزەران بە مەبەستی دیداری موەکیلەکانی دیکەیان لە ئیمراڵی واتە عومەر خەیری کۆنار، حامیلی یەڵدرم و وەیسی ئاکتاش هەمان داواکارییان پێشکەش کرد.

٤ ساڵە بە هیچ جۆرێک هەواڵ و زانیاری لەبارەی رێبەری گەلی کورد عەبدوڵا ئۆجالان بەردەست نییە.

هـ. ب