پارێزەرانی ڕێبەری گەلی کورد، عەبدوڵا ئۆجالان، بۆ ئەوەی بتوانن چاویان به موەكیلەكەیان بكەوێت، کە ماوەی ٣ ساڵە نەتوانراوە ھیچ زانیارییەک لەبارەیەوە وەربگیرێت، جارێکی دیکە داواكاریی دیداریان پێشكەش كرد.
هەریەك له ڕەزان ساریجا، ڕازیه ئۆزتورك، فایەق ئۆزگور ئەرۆڵ، مەزڵوم دینچ، له پارێزەرانی نووسینگەی یاسایی سەده، بۆ ئەوەی بتوانن دیدار لەگەڵ موەكیلەكانیان عەبدوڵا ئۆجالان، عومەر خەیری کۆنار، حامیلی یڵدرم، وەیسی ئاکتاش ئەنجام بدەن، سەردانی داواكاری گشتیی كۆماری بورسا و بەڕێوەبەرایەتی زیندانی ئیمراڵی-یان كرد.
له ڕۆژی ٢٥ی ئاداری ٢٠٢١ەوه تا ئێستا، هیچ زانیارییەك لەبارەی ڕێبەری گەلی كورد، عەبدوڵا ئۆجالان بەردەست نییە.
پارێزەران بەمەبەستی ئەنجامدانی دیدار لەگەڵ ڕێبەری گەلی كورد، هەفتەی دوو جار داواكاری پێشكەش دەكەن، بەڵام وەڵامی داواكارییەكانیان نادرێتەوه.
