پارێزەران جارێکی تر بەمەبەستی دیدار لە ئیمرالی داواکارییان پێشکەش کرد
پارێزەرانی نوسینگەی یاسای سەدە جارێکی دیکە بەمەستی دیدار لەگەڵ ڕێبەری گەلی کورد عەبدوڵا ئۆجالان لە ئیمرالی داواکارییان پێشکەش کرد.
پاڕێزەرانی نوسینگەی یاسایی سەدە بۆ ئەوە بتوانن موەکیلەکەیان ڕێبەری گەلی کورد عەبدوڵا ئۆجالان ببینن، داواکارییان پێشکەش بە داواکاری گشتیی کۆماری لە بورسا و بەڕێوەبەرایەتی زیندانی ئیمراڵی کرد.
داواکارییەکە لەلایەن پارێزەرانی نوسینگەی یاسایی سەدە سوزان ئاکیپا، ئیبراهیم بیلمەز، جەنگیز یورەکلی و عەمران ئەمەکچییەوە پێشکەش کرا.
بەهەمان بەمەبەست پارێزەران بۆ دیدار لەگەڵ عومەر خەیری کۆنار، حامیلی یەڵدرم و وەیسی ئاکتاشیش کە لە ئیمراڵی زیندانن داواکاری نوێیان بەرزکردەوە.
جێی ئاماژەیە لە ٢٥ی ئاداری ٢٠٢١ـەوە تا ئێستا هیچ زانیارییەک لە ڕێبەری گەلی کورد عەبدوڵا ئۆجالان نادرێت و هەر جار بە بیانووی جیاواز داواکارییەکان ڕەتدەکرێنەوە.
