بەڕێوەبەری رێکخستنەکانی پارتی ژیانی ئازادی کوردستان (پەژاک) لە ئوروپا بە بۆنەى کۆچی دوایی هەڤاڵ مەولود بەهمەنی پەیامێکی بڵاوکردەوە.

دەقی پەیامەکەى پەژاک:

"کۆچی دوایی هەڤاڵ مەولود بەهمەنی بوو بە مایەی غەمگینی‌مان

 کۆچی دوایی هەڤاڵ مەولود بەهمەنی وەک وڵاتپارێزێکی دڵسۆز و خەباتکارێکی چالاک و زحمتکێشی رێکخستنەکانمان لە ئوروپا بوو بە مایەی غەمگینی‌مان. هەڤاڵ مەولود بەهمەنی بەردەوام خاوەن ژیانێکی تێکەڵاو لە زەحمەتکێشی و وڵاتپارێزی بووە و ئەو تایبەتمەندیەش لە پەیوەندیەکان و چالاکییەکانی لەناو رێکخستەکانماندا بەردەوام بەرجەستە بووە و هەربەو هۆیشەوە بەردەوام لەلایەن هەڤاڵانیدا کەسێکی خۆشەویست و پەسەندکراو بووە.

هەڤاڵ مەولوود هەر لەسەرەتای جوانیدا لەگەڵ تێکۆشانی گەلی کورد تێکەڵاو بووە و خۆی و بنەمالەکەیشی بەرەو ئەو تێکۆشانە ئاراستە کردووە. هەر لەو چوارچێوەدا دوای ناسینی پارتیمان ـ پارتی ژیانی ئازادی کوردستان ـ پژاک، بۆ بەردەوامی تێکۆشان و بە تێگەیشتن لەوەی کە پژاک بەردەوامیدەر و شوێنی گونجاوە بۆ کرداری کردنی خەیاڵەکانی و خاوەنداری لەو رەنج و ماندووبوونەی کە خۆی و هزاران کەسیتر وەک خۆی پێشتر داویانە، ساڵی ٢٠١٥ لە ئوروپا بەشداری رێکخستنەکانی پژاک بوو. دواتر لە وڵاتی ئاڵمان و لە شاری فرانکفورت لە کومیتەی پژاک دا ئەرکی گرتە ئەستۆ و تا ٨/٥/٢٠٢٢ کە بە داخ و کەسەرێکی گەورەوە کۆچی دوایی کرد، بەردەوام لە خەبات و چالاکیدا بووە.

 لە کۆتایی دا جارێکیتر یادی هەڤاڵ مەولوود بەهمەنی، وەک وڵاتپارێزێکی دڵسۆز و خەباتکارێکی زەحمەتکێش بەرز رادەگرین. هاوکات سەرەخۆشی خۆمان ئاراستەی هەموو هەڤاڵانی رێکخستنەکانمان لە ئوروپا و بنەماڵەی بەڕێزیان دەکەین.

 دڵنیان بەردەوامی تێکۆشان تا ئازادی کوردستان و رێبەر ئاپۆ ئاواتی تێکۆشەرانێک وەک هەڤاڵ مەولوود بوو و ئێمەش وەک هەڤاڵانی هەڤاڵ مەولود تا مسۆگەر بوونی ئەو ئاواتانە لە تێکۆشانمان بەردەوام دەبین".

ژ.ت