لەدژی دەستگیرکردنی نایاسایی سەمرا گوزەل پەرلەمانتاری هەدەپە بە پیشەنگایەتی  هەدەپەی ئەستەنبوڵ خۆپیشاندان ئەنجامدرا.

پۆلیس هەوڵیدا ڕێگری لە چالاکیەکەکرا. لە چالاکییەکەدا پەرلەمانتارانی هەدەپە، موسا پیرۆغڵو، گارۆ پەیلان و عەلی کەنەنۆغڵو، دایکانی ئاشتی و ڕێکخراوەکانی ژنان بەشدارییان کرد. لە چالاکییەکەدا لافیتەی "سەمرا گوزەل ئیرادەی گەلە، دەست لە ئیرادەی گەل مەدەن"، "سەمرا گوزەل ئیرادەی ئێمەیە" بەرزکرانەوە و دروشمی "بژی بەرخۆدانی زیندان"، "سەمرا گوزەل ئیرادەی ئێمەیە" و وترانەوە.

لە سەرەتادا ئیلکنور بیرۆل هاوسەرۆکی هەدەپە لە ئەستەنبوڵ قسەی کرد. بێرۆل باسی ئەوەكرد، ماوەیەكی زۆرە هەوڵێك هەیە بۆ شكاندنی كاریگەری سیاسی هەدەپە و ئاماژەی بەوەدا كە زۆر باش دەزانن بۆ چ مەبەستێك پەرلەمانتاری هەدەپە سەمرا گوزەل دەكرێتە ئامانج و وتی: "ژنان هێزی گۆڕانكارین لە کۆمەڵگا. ژنان هێزی نوێنەرایەتیکردنی ئیرادەی خەڵکن. ئەم سیاسەتە لەسەر بنەمای لەناوبردنی خەباتی یەکسانی و ئازادی ژنانە، دوێنێ ڕەتمان کردەوە و ئەمڕۆش بەرەنگاری دەبینەوە.

'سەمرا گوزەل ئیرادەی گەلی کوردە'

بێرۆل وەبیری هێنایەوە کە سەمرا گوزەل ژنە سیاسەتمەدار و تێکۆشەرێکی کوردە و لە درێژەی قسەکانیدا وتی: "سەمرا گوزەل ئیرادەی گەلە". سەمرا گوزەل ئیرادەی خەڵکی ئامەدە. هیچ دەسەڵاتێک لە خەڵک گەورەتر نییە. سەمرا گوزەل، دەیگوت نابێت شەڕ و هەژاری هەبێت. سەمرا گوزەل چی وت؟ وتی، نابێت ژنان لە ناوەڕاستی ڕێگاکاندا ببنە قوربانی توندوتیژی. سەمرا گوزەل چی دەڵێت؟ لە کارگە و وەرشەکاندا هێزی کار هەرزان مەکەن. سەمرا گوزەل چی دەڵێت؟ دەڵێت ئەم سیاسەتە کە دەبێتە هۆی پیسبوونی دار و ئاو و زەوی و شاخەکان،دەوڵەمەندەکان سوودی لێ وەرگرن. سەمرا گوزەل چی دەڵێت؟ دەکرێت کورد ئازاد و یەکسان لەسەر یەک خاک بە کەرامەتەوە بژی. دەڵێت با ئەمە ڕووبدات. چیتێدایە؟

"هەدەپە گوێڕایەڵی ئێوە نابێت"

بیرۆل ئاماژه‌ی به‌وه‌داوه‌ كه‌ له‌ لێكۆڵینه‌وه‌كانی سه‌مرا گوزەلدا، پرسیارێك كراوه‌ كه‌ له‌ دۆسیه‌كه‌یدا نه‌بووه‌ و گوتی: "سه‌مرا گوزل و رای گشتی بەم بەم پلانانە هەڵناخەڵەتێن". ناتوانیت بە چەند زانیارییەک کە لە لایەن ڕۆژنامە لایەنگرەکانەوە پێشکەش دەکرێت و بە زمانی سێ چوار دێڕ پڕوپاگەندە ئەم کۆمەڵگایە هەڵخەڵەتێنیت. نایەکسانی لەم وڵاتەدا کۆتایی دێت. هەموو هاوڵاتییەکی ئەم وڵاتە بە کەرامەت دەژیت. لەم وڵاتەدا کەس برسی نابێت”.

بیرۆل بانگی لە دامودەزگا و دەسەڵاتداران کرد و وتی: هەدەپە ئەکتەرێکی سیاسی نییە کە بە دوو سێ سیناریۆ بتوانرێت لەناوی ببەیت. با هەمووان بزانن کە ئێمە کۆدەبینەوە، هەموو حیساباتی فاشیزم تێکدەشکێنین. با جارێکی تر هۆشیان بێتەوە. ئەم سیاسەتە لەگەڵ کۆمەڵگایەکی ٨٩ ملیۆنیدا ناگونجێت کە برسیکراون.

"دەچنە ناو زبڵدانی مێژوو"

پەرلەمانتاری هەدەپە عەلی کەنانۆئۆغڵو بەبیری هێنایەوە کە سەمرا گوزەل پەرلەمانتارێکە و مافی پارێزبەندی هەیە و وتی: "سەمرا گوزل سەری سەری دانەنەواندووە و دانانەوێنێت". با ئەو کەسانەی کە هەوڵ دەدەن بە کامێرا دیمەنێک تۆمار بکەن و ملی پەرلەمانتارەکەمان بچەمێننەوە، بزانن کەسانێک کە سیاسەتی هەدەپە دەکەن، شەرەفی خۆیان لەگەڵ جەستەیان هەڵدەگرن. ئێمە هەرگیز سەر بۆ سیناریۆکانتان دانەوێنین”.

ف.ق