یادەکە لە هۆڵی کۆنفرانسی ناوەندی جڤاکی کوردی دیموکراتیکی بازل بەڕێوەچوو، وێنەی شەهید بێریتان (گوڵناز کاراتاش) و ئەرداڵ شاهین (حەسەن ئۆگوز) و ڕۆژهات زیلان (ئۆزکان شاهین) کە لە ئەنقەرە چالاکی فیداکارییان پێکهێنا و وێنەی شەهیدانی تر کە کەسوکارەکەیان لەگەڵ خۆیاندا هێنابوویان، لە هۆڵەکەدا هەڵواسران.

پاش خولەکێک ڕێزگرتن، لەسەر ناوی کۆماو، فیدان شەنتورک و محەمەد گۆکسونگور قسەیان کرد.

محەمەد گۆکسونگور، گوتی: "لە تێکۆشانی ئێمەدا، مانگی تشرینی یەکەم، مانگێکی زۆر گرنگە. لە باشور بە پێشەنگایەتی خیانەتی پەدەکە قۆناغی تەسفیەکردن دەستی پێ کردبوو، بەڵام ئەم خیانەتە شکستی هێنا. ئەوانەی شکستیان پێ هێنا، بێریتان و هەڤاڵەکانی بوون، بە چالاکییەکانیان خەنجەرێکیان لە دڵی خیانەت چەقاند".

هەروەها سەرحەد ئاگری گوتی: "ئەگەر نەتوانین باش لە شەهیدەکان تێبگەین و وەڵامی تێکۆشانی شەهیدان بدەینەوە، کەمتەرخەم دەبین. ئەگەر تێکۆشان دژی دوژمن بەهێز نەکەین، خیانەت لە شەهیدەکانمان دەکەین".

هەروەها دووپاتکرایەوە، شەهید بێریتان لە ٢٥ ی تشرینی یەکەم، بە هەڵوێستەکەی وەڵامی خیانەت و فاشیزمی دایەوە.

"خاوەندارێتیکردنێکی بەم شێوەیە لە رێبەرێتی و گەل و تەڤگەرەکەمان هەیە. دوژمن شکست دەهێنێت و سەردەکەوین. ئێمە دەستمان بە هەڵمەتێک کرد. پێویستە هەمووان بەشداربن. بەم هەڵمەتە ئازادی جەستەیی ڕێبەر ئاپۆ پێکدەهێنین. لەمەودوا، هەرچی پێویست بێت دەیکەین. ئەم هەڵمەتە ناوەندی خەباتی ئێمەیە. لەم هەڵمەتەدا، ڕۆڵی و ئەرکی بنەماڵەی شەهیدان لە شوێنێکی ترە. پێویستە بە گوێرەی ئەوە هەنگاو بنێین. چارەسەر پارادایمی ڕێبەر ئاپۆیە".

پلاتفۆرمی دەنگی زیندانیان (تەسەپە) و نوێنەری دامەزراوە شۆڕشگێڕییەکان بەشداری یادەکە بوون و قسەیان کرد.

پاش وتەکان، یاداشت و هەڵبەستەکانی شەهید بێریتان، غوربەتلی ئەرسۆز، ناگیهان ئاکارسەل، ڕۆژهات زیلان و شەهید ئەرداڵ خوێنرانەوە.

چالاکییەکە بە سینڤزیۆنێک کە لە کەسێتی شەهیدانی مانگی تشرینی یەکەمدا، ژیان و تێکۆشانی شەهیدانی پیشان دەدات، بەردەوام بوو. لە چالاکییەکەدا، هەستیاری بەرامبەر ساتەوەختی هەنوکەیی پیشاندرا.

یادەکە بە درووشمی "شەهید نامرن" و "بژی سەرۆک ئاپۆ" کۆتایی هات.