ئەو ٣٣ گەنجەی کە ٢٠ ی تەمموزی ٢٠١٥ لە ناوچەی پیرسوسی ڕحا لە ئەنجامی هێرشی خۆکوژی داعش کوژران، لە شاری شتوتگارتی ئەڵمانیا یادکرانەوە.

یاد و ڕێپێوانەکە لەلایەن تەڤگەری گەنجانی شۆڕشگێڕ (تەجەشە)، ژنانی گەنجی تێکۆشەر (تێکۆژن) و پارتیزان و مەلەکەپە و (Defend Kurdistan) و (Riseup4Rojava) و (ORA Stuttgart) و (OTKM) و (Young Struggle) ئەنجامدرا.

یادە و ڕێپێوانەکە بە خولەکێک ڕێزگرتن لە یادی شەهیدانی شۆڕش دەستی پێ کرد.

پاش ئەنجامدانی ڕێپێوان، جەماوەر ڕاگەیاندراویان خوێندەوە. یەک بە یەک ناوی گەشتیارانی خەون خوێنرایەوە و گەل بە "دەژی" وەڵامیان دایەوە.

لە تەواوی ڕێپێوانەکەدا بە ئەڵمانی و کوردی و تورکی درووشم بەرزکرایەوە، دووپاتکرایەوە کە لێپرسینەوە لە کۆمەڵکوژییەکان دەکرێت و سڵاو لە شۆڕشی ڕۆژئاوا کرا.

لە ڕێپێوانەکە ڕاگەیاندراوی ئەڵمانی دەربارەی تاوانەکانی شەڕ و کۆمەڵکوژییەکانی دەسەڵاتی ئاکەپە و مەهەپە خوێنرایەوە. هەروەها نوێنەری ڕێکخراوەکانی گەنجان لە گۆڕەپانی ڕاتوسپلاتز ڕاگەیاندراویان خوێندەوە.