گفتوگۆکان لەسەر دەقی دیدگاکەی ڕێبەر ئاپۆ کە پێشکەشی کۆنگرەی ١٢ـیەمینی پەکەکەی کرد بەردەوامن. کە تێیدا ڕەخنەی لە سۆسیالیزمی بونیادنراو گیراوە، هەروەها خستنەرووی سۆسیالیزمی نەتەوەی دیموکراتیک و پێشکەشکردنی شێوازی بەڕێوەبردنەکەنی بووە بە جێ سەرنجی لایەنە سۆسیالیستییەکان.

نوسەر و ڕۆژنامەوان عومەر لاچینەر سەبارەت بە دیدگای نوێی ڕێبەر ئاپۆ و پارادایمی نوێی تەڤگەری ئازادیی کورد بۆ ئاژانسی هەواڵی فوڕات (ANF) قسەی کرد.

'پێناسەکردنی سۆسیالیزمی نوێ مەرجە'

لاچینەر ئاماژەی بەوەدا، کردنی گفتوگۆکان ئاساییە و باسی لەوە کرد کە پێناسەکردنی سۆسیالیزمێکی نوێ مەرجە. لاچینەر گوتی، "بەڕای من، کێشەکە ڕەخنەگرتن نییە لە هەندێک لە کەموکوڕییەکانی پێشەنگانی سۆسیالیست، کێشەکە لەوە قووڵتر و بەرفراوانترە. کاتێک دێین ئاستی تێکۆشانی سۆسیالیزمی دووسەد ساڵی ڕابردوو دەخەینە بەرچاوی خۆمان، ناچارییە کە گفتوگۆکان لەسەر هێما دامەزرێنەرە "هزر"ییەکانی سۆسیالیست نەبێت، بەڵکو لەسەر بەڕێوەبردنی و دەستپێکردن و پێناسەیەکی نوێی سۆسیالیزم بێت."

'گۆڕانکاری لە شارەوانییەکاندا گرنگە'

لاچینەر تیشکی خستەسەر نموونەی شارەوانییەکان کە لە دەقی دیدگاکەدا تایبەت بە کۆمۆنەکان خراوەتە بەرباس و ئاماژەی بەوە کرد کە ئەمە هەنگاوێکی گرنگ دەبێت بۆئەوەی ڕێ بە دەوڵەت نەدرێت ببێتە ئامڕازێکی فشار لەسەر کۆمەڵگە. لاچینەر گوتی، "بۆ ئەوەی ڕێ لە دەوڵەت بگیرێت کە وەک ئامڕازێکی فشار و هێزێکی سەربەخۆ لەسەر کۆمەڵگە بسەپێنرێت، ئەم ڕێبازە یەکێک لە ئامانجە سەرەکییەکانی ڕێبازی یەکسانە. بێگومان پێویست و گرنگە کە کار بۆ ئەوە بکرێت کە لەم چوارچێوەیەدا گۆڕانکاریی لە شارەوانییەکانی ئێستادا بکرێت.

لاچینەر ئاماژەی بەوە کرد، بانگەوازی ئەنتەرناسیۆنالیزم کە لە دەقی دیدگاکەی ڕێبەر ئاپۆدا هاتووە گرنگە و باسی لەوە کرد، پێویستە بزووتنەوە سۆسیالیستەکانیش بەخۆیاندا بچنەوە. لاچینەر ڕایگەیاند ئەنتەرناسیۆنالیزم یەکێکە لە پێوەرە سەرەکییەکانی بزوتنەوە 'چەپ/یەکسانی' ـیەکان و گوتی، "دەشێت بڵێین کێشە و لاوازییەکانی سەدساڵی ڕابردوو لە گۆڕەپانی 'چەپ/سۆسیالیستی'ـدا، بەتایبەت لەو بابەتەدا خۆی دەبینێتەوە. هەربۆیە هەر بزوتنەوەیەک کە پێویستیی خۆی بۆ بەخۆداچوونەوە و سەرلەنوێ خۆدروستکردنەوە دەبینێت، پێویستە گرنگی بەم بابەتە بدات، بۆ گەشکردنی ڕوح و هەڵوێستی ئەنتەرناسیۆنالیست بکەوێتە ناو کار و هەوڵدانەوە. ئەمە ئەرکی سەرکییەتی."