دوای ئەوەی هەفتەی رابردوو ئورسولا ڤۆن دەر لین سەرۆکی کۆمسیۆنی ئەوروپا و چارلیس میشێڵ سەرۆکی کۆمسیۆنی یەکێتی ئەوروپا لەگەڵ ئەردۆغانی سەرۆک کۆماری تورک کۆبونەوە و پەیمانێکیان ئیمزا کرد و جێگە بە ڤۆن دەر لین نەدرا دابنیشێت لە کۆبونەوەکەدا، کاردانەوەی زۆری بەدوای خۆیدا هێنا.

مانفرید ویبیر سەرۆکی گروپی پارتی گەلی ئەوروپا کە پارتێکی سەرەکی یەکێتی ئەوروپایە ناڕەزایی دەربڕی و کاردانەوەی توندی لەبەرانبەر دیارینکەردنی کورسیەکی سەرەکی بۆ ڤۆن دەر لین پیشاندا.

ویبیر بۆ کەناڵی بویتنهۆڤ تی ڤی قسەی کرد و داوای کرد، چاوپێکەوتنەکانی تایبەت بە ئەندامێتی تورکیا لە یەکێتی ئەوروپا رابگیرێن.

ئەو سیاسەتمەدارە ئەڵمانیە راشیگەیاند، ئەو دۆخە قبوڵ ناکرێت و نیشانەی هەڵویستێکی جیاکارانەیە لەنیوان یەکێتی ئەوروپادا و وتی،" کاتی ئەوە هاتووە، هەڵوێستێکی هاوبەش پیشان بدرێت و تورکیا نەبێتە ئەندامی یەکێتی ئەوروپا.

ویبیر پشتگیری لە قسەکانی ماریۆ دراگی سەرۆکوەزیری ئیتاڵیا کرد کە وتبووی، ئەردۆگان دیکتاتۆرە.

ویبیر دەشڵێت، تورکیا لە دیموکراسی و مافی ئازادی و رادەربڕین دوورکەوتوەتەوە و وتی، "ئەو پرۆسەیەکی کە چەندین ساڵە لەگەڵ تورکیا بەردەوامە، پێویستە کۆتایی پێبهێنرێت."

ف.ق