لە شاری دویسبۆرگ لە کەسێتی ئومێد ئاجار کە لە شاری ئینگۆلشتاتی ئەڵمانیا خۆی سووتاند، ئەو شەهیدانە یادکرانەوە کە ساڵی ٢٠١٨_٢٠١٩ بۆ شەرمەزارکردنی گۆشەگیری سەر ڕێبەری گەلی کورد عەبدوڵا ئۆجالان چالاکی فیداییان ئەنجامدا.
لە کەسێتی ئومێد ئاجار کە بۆ شەرمەزار کردنی شەرمەزارکردنی گۆشەگیری سەر ڕێبەری گەلی کورد عەبدوڵا ئۆجالان لە ٢٧ ی ئەیلولی ٢٠١٨ لە شاری ئینگۆلشتاتی ئەڵمانیا خۆی سووتاند، ئوگور شاکار کە دژی پیلانگێڕی نێونەتەوەیی لە ساڵی ٢٠١٩ لە بەردەم دادگای کریفێلد خۆی سووتاند، وە ئەو فیداییانەی لە ساڵانی ٢٠١٨_٢٠١٩ لە زیندانە جیاوازەکان دژی گۆشەگیری چالاکییان ئەنجامدا، زولکوف گەزەن و ئایدن بەچەت و مەعسوم پامای و زەهرا ساغلەم و سیراج یوکسەک و مەدیا چنار و یۆنجا ئاکنجی و ئەنڤەر چەلیک، لە شاری دویسبۆرگی ئەڵمانیا بە چالاکییەک یادکرانەوە.
یادەکە لەلایەن مەجلیسی کۆمەڵگەی کوردی دیموکراتیکی دویسبۆرگ ئەنجامدرا، دەیان کوردستانی بەشداربوون.
باوکی شەهید ئومێد ئاجار گوتی: "ئومێد هەر کوڕی من نییە و کوڕی هەمووانە، برا و هاوڕیی هەمووان بوو. بۆ وەستاندنی گۆشەگیری و پاکتاو خۆی کرد بە ئەڵقەیەک لە ئاگر".
لەسەر ناوی مەجلیسی گەلی کوردی دویسبۆرگ و کۆمەڵەی بنەماڵەی شەهیدان قسەکرا و تیشکخرایە سەر ڕۆڵی شەهیدان لە تێکۆشانی ئازادی کوردستان.
یادەکە بە درووشمی "شەهید نامرن" و "بژی سەرۆک ئاپۆ" کۆتایی هات.
