چالاکیی ئیشکگری کە لە ناوچەی پرسوسی ڕحا لە سنووری کۆبانێ کە لە دژی هێرشەکان بۆ سەر باکوور و ڕۆژهەڵاتی سوریا دەستیپێکردووە، لە ڕۆژی ٦میندا بەردەوامە. ئیشکگرییەکە بە پێشەنگایەتی پارتی هەرێمە دیموکراتیکەکان (دەبەپە)، پارتی یەکسانی و دیموکراسی گەلان (دەم پارتی) و بزووتنەوەی ژنانی ئازاد (تەژەئا)،دەستی پێکردووە، پەرلەمانتاری دەم پارتی شاری ڕحا، فەریت شەنیاشار، و ڕێکخراوەکانی دەبەپەی شاری ڕحا و دیلۆک و ناوچەکان، ئەندامانی مەجلیسی دایکانی ئاشتی ڕحا، ئەندامانی پلاتفۆرمی ڕەنج و دیموکراسی شاری ڕحا و خەڵکێکی زۆر بەشدارن بوون.

سەرەڕای ساردی کەشوهەوا، گەل سەرلە بەیانی لە مەیدانی ئیشکگرییەکە کۆبوونەوە و بە وتنی ئاوازی کوردی دەستیان بە ئیشکگرییەکە کرد. ئەو ئیشکگرییەی کە بە شێوەیە بازنەیی لە دەوری ئاگرەکە پێکهێندرا بوو، یادی ئیشکگرییەکانی دژی هێرشەکانی سەر کۆبانێیان لە ساڵی ٢٠١٤دا بەبیر دەهێنایەوە و یادەوەرییەکانیان پێکەوە باس دەکرد. چالاکوانان سەرنج بە بەرخۆدانی باکور و ڕۆژهەڵاتی سوریا ڕادەکێشن و بە هەڵبەست و یادەوەرییەکان درێژە بە ئیشکگرییەکەیان دەدەن.