زاپاتیستا و کورد لە بێرن کۆبوونەوە
زاپاتیستاسەکان لە رێپێوانە درێژمەوداکەیاندا گەیشتنە شاری بێرنی پایتەختی سویسرا و لەلایەن کوردەوە پێشوازییان لێکرا. هەردوو لا باسیان لە ئەزموونەکانی تێکۆشانی خۆیان کرد.
ڕێپێوانی شاندی زاپاتیستا لە پێنج کیشوەردا بەردەوامە.
چەند ڕۆژێک پێش ئێستا قۆڵێکی شاندەکەی زاپاتیستا گەیشتە سویسرا و لە جنێڤ پێشوازیی لێکرا. وێستگەی دوێنێی شاندەکە شاری بێرنی پایتەختی سویسرا بوو.
کوردستانیان لە ناوەندی کۆمەڵگەی دیموکراتیکی کورد (نەجەدەکە / NCDK) پێشوازییان لە شاندی زاپاتیستا کرد.
لە نەجەدەکە چاوپێکەوتنێک و گفتوگۆیەکی ورد بە بەشداریی ئەندامانی بزووتنەوەی ژنانی کورد لە سویسرا و ڕێکخراوەکانی گەنجانی ئەڵتەرناتیڤی سویسرا و کۆمیتەی ڕۆژئاوا بەڕێوەچوو.
زاپاتیتاسەکان باسی مۆدێلی ڕێکخراوەیی بەرخۆدانیان و مێژووی بەرخۆدان و کولتوور و رۆشنبیریی خۆیان کرد.
ئەندامانی یەکێتیی ژنانی کوردستانیش لە سویسرا باسی مێژووی بزووتنەوەی ژنانی کورد و نەریتی خۆڕاگری لە ناو ژنانی کورد و بە تایبەتی باسی شۆڕشی ژنانی ڕۆژئاوایان بۆ کردن.
دوای گفتوگۆکە پانێلێک رێکخرا.
لە رۆژانی داهاتوودا لە شارەکانی لوگانۆ، باسل و زوریخ پێشوازی لە شاندەکە دەکرێت و چالاکی ئەنجام دەدرێن.
ژ.ت
