مەسەدە پەیوەست بە کۆمەڵکوژییەکە ڕاگەیاندراوێکی نووسراوی بڵاوکردەوە و گوتی: "پێشێلکردنی پیرۆزی شوێنەکانی پەرستن و دەستدرێژیکردنە سەر ژیانی مەدەنییەکان تاوانێکە لە دژی هەموو بەها ئەخلاقییەکان و پەیماننامە نێونەتەوەییەکان."

مەسەدە لە ڕاگەیاندراوەکەدا ئاماژەی بەوە کرد ئامانجی ئەم هێرشە بڵاوکردنەوەی ترسە لە نێو پێکهاتەکانی سوریا دا.

مەسەدە ئەم کارە قێزەونە تیرۆرستییەیی  شەرمەزار کرد و وتی: "ئاشتەوایی نیشتمانی و هاوکاری ڕاستەقینە لە نێوان هەموو هێزەکانی سووریادا دەتوانێت ببێتە بناغەی بونیاتنانی سووریایەکی سەلامەت و سەقامگیر."

لە کۆتایی ڕاگەیاندراوەکەییدا مەسەدە هاوخەمی خۆی بۆ کەسوکاری شەهیدان دەربڕی و هیوای چاکبوونەوەی خێرای بۆ بریندارەکان خواست.