هەر یەک لە تۆماس هۆماربەرگ و جۆن هوەل ئەندامانی ئەنجومەنی پەرلەمانتارانی کۆنسەی ئەروپا کە چاودێرن لەسەر بارودۆخی تورکیا، لە دژی ئۆپراسیۆنی پاکتاوی سیاسی کە لە بەرامبەر هەدەپە بەڕێوە دەچیت، لێدوانێکیان بڵاو کردەوە.

لێدوانەکە بەم شێوەیەیە:

"هەر یەک لە ئایهان بیلگین و شەڤین ئالاجا هاوسەرۆکانی شارەوانی قەرس، نازمی گور ئەندامی پێشووی ئەنجومەنی پەرلەمانتارانی کۆنسەی ئەوروپا، سری سورەیا ئوندەر پەرلەمانتاری پێشووتر و چەندین کەسی تر دەستگیر کراون. کاتێک سیاسەتمەدارنی ئۆپۆزیسیۆن بەم شێوەیە دەستگیر دەکرێن، بەو واتایە دێت کە سیاسەتمەداران ناتوانن مافی ئاسایی خۆیان بەکار بهێنن. هەم لە پەرلەمان و هەم لە دەرەوەی پەرلەمانیش رۆڵیان کەمتر دەبێتەوە. لێسەندنەوەی مافی پارێزبەندی لە ٧ پەرلەمانتاری هەدەپە کە ئەندامی دەستەی بەڕێوەریشن، گومانمان بۆ دروست دەکات.

بانگەوازیمان بۆ بەرپرسانی تورکیا ئەوە کە، ئەندامانی هەدەپە و ئەو کەسانەی بە دەنگی خەڵک هەڵبژێردراون ئازاد بکرێن و بڕیارەکانی دادگای مافی مرۆڤی ئەوروپا جێبەجێ بکەن."

ز.ش