مانگی سوری فەڵەستینی لە بڵاوکردنەوەیەکیدا ڕایگەیاندووە، ژمارەی قوربانیان بۆ ١١٠کەس بەرزبۆتەوە، ھاوکات وەزارەتی تەندروستیی فەڵەستین، کوژرانی ١٠ کەسی پشتڕاستکردەوە و راشیگەیاندووە کە ١٠٠ کەس بەھۆی گرژییەکانەوە برینداربوون، کە برینی ٢٠ کەسیان سەختە.

جێگای باسە سوپای ئیسرائیل بۆ رۆژی دووەم بەردەوامە لە ھەڵمەتەکانی لە کەمپی جنین و ھێزی سەربازی زیاتری رەوانەی ئەو کەمپە کردووە، ئاماژەی بەوەشکردووە، ھەڵمەتەکانیان لە کەمپی جنین بەردەوام دەبن، تاکو ئەو ئامانجەی ھەیانە بەدەستی دەھێنن.

هەروەها سوپای ئیسرائیل دەشڵێت: "لە کەمپی جنین پێنج تاقیگە و ناوەندی دروستکردنی بۆمبی چێندراویان ئاشکراکردووە، ئێستاش بۆ ٣٥٠ چەکداری فەڵەستینی دەگەڕێن، کە ١٦٠ کەسیان لەناو کەمپی جنیندان.