کەمپەینی ناردنی نامە بۆ کۆمیتەی ڕێگری لە ئەشکەنجە (سی پی تی) بە پێشەنگایەتی تەڤگەری ژنانی کوردی ئەوروپا (تەژەکە-ئە) بۆ ئازادی ڕێبەری گەلی کورد عەبدوڵا ئۆجالان لە ئەڵمانیا بەردەوامە.

ژنان بە پێشەنگایەتی مەجلیسی ژنانی شەهید ئاسیا یوکسەل لەبەردەم پۆستەخانەی ناوەندی دویسبۆرگ کۆبوونەوە و سەدان نامەیان نارد بۆ سی پی تی.

ژنان لە ڕاگەیاندراوەکەیان دووپاتیان کردەوە، گۆشەگیری سەختی سەر ڕێبەری گەلی کورد عەبدوڵا ئۆجالان قبووڵ ناکەن و لە گشت هەلومەرجێکدا بۆ ئازادی ڕێبەری گەلی کورد عەبدوڵا ئۆجالان تێدەکۆشن.  

لە چالاکییەکەدا درووشمی "ژن، ژیان، ئازادی" و "بژی سەرۆک ئاپۆ" بەرزکرایەوە.