جە ئەرەیاۋناکەو کەجەدەکە-ئەینە ئامان، کە مانگەو ئایاری دژوو قڕکەردەی، فاشیزمی و خیانەتی نوێنەرایەتی ژیۋای شکۆمەندانەی و ئازاڎیی مکەرۆ و ئانەیچش ئەرەیاۋنان، "حەقی کارەر، دەنیز گەزمیش، حسێن ئینان، یوسف ئاسلان، شیرین عەلەمهولی، فەرزاد کەمانگەر، هۆزان مزگین، ئولاش بایراکتارئۆغلو، فەرهاد کورتای، ئەشرەف ئانیک، مەحمود زەنگین و نەجمی ئۆنەر کە ١٧و ئایارو ١٩٨٢ جە زینڎانوو ئامەدینە ئێرشا جە جەستەو ۋێشا ۋەردا پێسە "چوارەکا" لووۍ دلۍ تاریخیوە و ژمارێوە فرە جە گەشمەرڎا مانگەو ئایاری ئارۆ بیۍ بە سەرمەشق و تاریخی کۊشیای ملیۆنان ئینسانا".

جە درێژەو ئەرەیاۋناکەینە ئامان، "گەشمەرڎۍ مانگەو  ئایاری دژوو فاشیزمی، پەی پەرەپنەدای و گەورەکەردەی کۊشیای ئازاڎیی دەوری گەورەشا گێڵنا و شۊنکۆتێشا خاوەندارییشا چا نەریتەیە کەرد، خاوەنداەرییشا چا کۊشیایە کەرد و ئاڵاکێشا شەکاوەتەرە کەردە.

بەنامۍ کەجەدەکە-ئە ئێمە گەشمەرڎا مانگەو ئایاری جارێوەتەر بە رۆحی شۆڕشگێڵنیۆ یاڎ مارمێوە و قەول مڎەیمۍ کە دڵسۆزیما پەی گەشمەرڎا جە ڕاو بەرزکەردەیۆ و بەگوڕکەردەی کۆشیای جابەجێ بکەرمۍ.

جە کۊشیای ۋێما پەی ژیۋایۍ ئازاڎی و شکۆمەندانەی ئێمە گرڎ وەختۍ خاوەنداری جە یاڎوو گەشمەرڎا مکەرمۍ. ئێمە کۊشیای دژوو فاشیزمی بە قەرارداری مسۆگەرکەردەی ئازاڎیی رابەر ئاپۆی میاونمۍ بە سەرکەوتەی".