بە پێشەنگایەتی تەڤگەری ژنانی کوردستان و کۆمیتەی پیشتیوانی بۆ پشتگیریدان بە بانگەوازی 'ئاشتی و کۆمەڵگەی دیموکراتیک'ی ڕێبەر ئاپۆ و داواکاردنی ئازادی جەستەیی ڕێبەر ئاپۆ ڕۆژی پێنج شەممە لە پێش باڵیۆزخانەی تورکیا لە لە سانتیاگۆی پایتەختی چیلی چالاکییەک ئەنجامدرا. لە چالاکیەکەدا گەلێک نوێنەر و چالاکوانی ڕێکخراوەیی بەشدرابوون.

لە چالاکییەکەدا ژنان لەچکە سپییەکانیان لابرد و لە پێش باڵیۆزخانەکەدا دایاننا وەک ئاماژەیەک بە  نەریتی ئاشتیخوازی گەلی کورد و لەگەڵییدا هاواری ئاشتییانە کرا.

لە چالاکییەکەدا ژنان هۆشدارییان دا بە دەوڵەتی تورک و وڵاتانی هاوکاری کە ئیدی کاتی ئەوە هاتووە کات کاتی ئاشتی و دیموکراسییە لەگەڵ گەلی کورددا.

لە چالاکییەکەدا ڕاگەیاندراوە خوێندرایەوە و ئاماژە کرا بەوەی گەلی کورد سەلماندوویەتی هەموو کاتێک بە هەموو گەلانی کوردستانەوە لەگەڵ ئاشتی و کۆمەڵگەی دیموکراتیکییدا بووە و دەبێت. هەروەها بانگەوازی لە دەوڵەتی تورک کرا کۆتایی بە هێرشە داگیرکارییەکانی لەسەر کوردستان بهێنێت و ڕێگەی ئاشتییانە بگرێتەبەر.

لە ڕاگەیانداوەکەدا دەستنیشان کرا بێدەنگی حکومەتی شیلی لە بەرانبەر تاوانە جەنگییەکانی دەوڵەتی تورک جێگەی قبوڵ کردن نییە و داوای نیشاندانی هەڵوێست لە حکومەتی شیلی کرا.

لە کاتی چالاکییەکەدا پانکارت بە نوسینی 'دیموکراسی سیستەم و شێوازێکی ژیانییە'، 'ئازادی بۆ عەبدوڵا ئۆجالان، چارەسەری سیاسی بۆ پرسی گەلی کورد' بەرزکرانەوە.

لە کۆتاییدا جەختکرایەوە لەوەی بۆئەوەی لە تێکۆشانی گەلی کورددا قۆناغێکی نوێ دەستپێبکات، بە دڵنیاییەوە دەبێت ئازادی ڕێبەر ئاپۆ پێکبهێندرێت.