فەرماندەیی گشتی یەکینەکانی پاراستنی ژنان- یەپەژە بە بۆنەی ٨ـی ئادار ڕۆژی جیهانی ژنانی کرێکارەوە ڕاگەیاندراوێکی پیرۆزبایی بڵاوکردەوە و ڕایگەیاند: "٨ـی ئادار ڕۆژی جیهانی ژنانی کرێکار لە هەموو ژنانی کرێکار، بەرخۆدێر، هەروەها لە لێگەڕێنی ئازادی ژنان ڕێبەر ئاپۆ کە عەشقی ئازادی خستە دڵمانەوە پێرۆز دەکەین. سڵاو لە هەموو ئەو ژنانە دەکەین کە بە درێژای مێژوو لە دژی ستەم وەستاونەتەوە."

لە بەشێکی دیکەی ڕاگەیاندراوەکەدا ئاماژە بە کولتووری بەرخۆدانی یەپەژە کراوە و دەڵێت: "کولتووری بەرخۆدانی ٨ـی ئادار لەمڕۆدا لە باکوور و ڕۆژهەڵاتی سووریا بە پێشەنگایەتی یەپەژە بەردەوامە. ژنان لە هەموو گۆڕەپانە ژیانییەکاندا بە فیداکاری، قارەمانی و بەرخۆدانێکی بێهاوتاوە لە تێکۆشاندان و کۆمەڵگەی خۆیان دەپارێزن. لەسەر ئەم خاکە بە هەزاران گیانی جوان و گەنج لە پێناو تێکۆشانی ئازادییدا لە قارەمانێتییەوە شەڕیان کردووە و شەهید بوون."

لە درێژەی ڕاگەیاندراوەکەدا جەخت لەسەر بەردەوامبوونی بەرخۆدانی ژنان کراوەتەوە و هاتووە: "ژنان کە بە پارادایمەکانی ڕێبەر ئاپۆوە خۆیان بویناد و ڕووناک کردەوە، وەک چۆن ئەوەی دوێنی بۆ دامەزراندن و پاراستنی کۆمەڵگەی دیموکراتیک بەرخۆدانیان کرد، لە ئێستا و ئایندەشدا ئەو ئەرکە دەگرێتە ئەستۆی خۆی. ئەمەش بە پێشەنگایەتی یەکینەکانی پاراستنی ژنان- یەپەژە دێتەئاراوە. لەم ساتانەدا کە شەڕ بەردەوامە، لەم ساتانەدا کە جەژنی ٨ـی ئادار پیرۆز دەکەن، ژنانی بەرخۆدەر، هاوڕێیانمان لە گۆڕەپانەکانی جەنگەدا ڕووبەڕووی بۆردومانی سەخت دەبنەوە. دەوڵەتی تورک و چەتەکانی بە ڕۆژانە بە سیستەماتیکانە بە فڕۆکەی جەنگی، فڕۆکەی بێفڕۆکەوان، بە تانک و تۆپەکانی هێرشمان دەکاتەسەر. بۆیە ڕوحی بەرخۆدانی ٨ـی ئادار لە مڕۆدا لە هەمووکات زیاتر بڵند بووە و هەموو هێرشە داگیرکارییەکان پوچەڵ دەکاتەوە."

'بانگەوازییەکەی ڕێبەر ئاپۆ بە گرنگ هەڵدەسەنگێنین'

لە بەردەوامی ڕاگەیانداوەکەدا سەرنج خراوەتەسەر بانگەوازییە مێژوویەکی ڕێبەر ئاپۆ و هاتووە: "بانگەوازییەکی ڕێبەر ئاپۆ کە جۆشوخرۆشێکی مەزنی خستە نێو دڵی هەموو گەل و ژنانەوە. ئەم جۆشوخرۆشە بە ٨ـی ئادار بڵندتر دەبێت. بانگەوازییەکەی ڕێبەر ئاپۆ واتادار و بە نرخ دەبینین، لە نزیکەوە بەدواداچوونی گفتوگۆکانی ئێستا دەکەین کە بۆ چارەسەری پرسی کورد لەئارادان. لەمرۆدا دەوڵەتی تورکی بە هێرشە سەختەکانی سەر بەنداوی تشرین و پردی قەرەقۆزاق ئاستی دڵسۆزی و جددیەتی لە بەرانبەر پرۆسەکە نیشان دەدات!."

هەر لە ڕاگەیاندراوەکەدا ئاماژە بە ئاڵۆزییەکانی ئێستای سووریا کراوە و جەختکراوەتەوە لەوەی گەر هەتەشە لەسەر ئەم ڕێبازە توندوتیژی و شەڕخوازییەی لەسەر گەلانی ناوچەکە بەردەوام بێت ئەوا هەمان چارەنووسی ڕژێمی بەعس چاوەڕوانێتی.

لە بەردەوامییدا ئاماژە بەوەکراوە وەک یەپەژە بۆ هەموو چارەسەری و دیموکراتیزەکردنێکی سووریا ئامادەن و پرۆژەی چارەسەری دیموکراتیکەیان ئامادەیە و دەڵێت: "ئێمە نەک بە تەنها هێزی پاراستنی باکوور و  ڕۆژهەڵاتی سووریایین، هاوکات پارێزەری هەموو گەلان، باوەڕداری، زمان و کولتوورەکانی تەواوی سووریایین. بۆیە تا هێرشە دڕندەکانی سەر گەلی باکوور و ڕۆژەهەڵاتی سووریامان بەردەوام بێت، با کەس لە هیوایی چەکدانانی ئێمەدا نەبێت. لە کاتێکدا کە ژن، گەلەکەمان و ئەم خاکە لە ژێر هەڕەشە و مەترسییدابێت، مافی خۆپاراستنمان ڕەواترین مافمانە. مافی خۆپاراستن مافی ژیانییە و کەس ناتوانێت ژیان و ئەم گەلە ناچار بە دەستبەردان لە خۆپاراستن بکات."

ڕاگەیاندراوەکە بەم شێوەیە کۆتایی هاتووە:

"جارێکی دیکە بە ڕوحی ٨ـی ئادار، بە کولتووری بەردەوامی بەرخۆدانی ژنان بڕیارداری و دڵسۆزی خۆمان بە هەموو ژنان ڕابەری دەکەین و لەوباوەڕەداین ساڵی ٢٠٢٥ ببێتە ساڵی یەکگرتن و تێکۆشانی مەزنی هەموو ژنانی جیهان. ئەم تێکۆشانە بەرەو سەردەمی کۆمەڵگەی دیموکراتیک بە پێشەنگایەتی ژنان دەبێت. بەم باوەڕدارییەمانەوە جارێکی دیکە ٨ـی ئادار ڕۆژی بەرخۆدان و جەنگی ئازادی لە تەواوی ژنان پیرۆز دەکەین.

بژی ٨ـی ئادار

بژی ڕێبەر ئاپۆ

بژی ئازادی."