ژنان بە داخوازی یەکسانی و دادپەروەری لەبەردەم مانهایم Gewerkschafthausê بە دروشمی "تێدەکۆشین-مانمان گرتووە-دەژین" گردبوونەوە و ڕێپێوانیان ئەنجام دا.

گردبوونەوەکە لە کاتژمێر ١٦:٠٠ دەستی پێکرد ژنان بە داخوازی یەکسانی و دادپەروەری پانکارت، بڵاوکراوە و دروشمیان هەڵگرت و کۆبوونەوە. لە دوای قسەکردن، بە دروشم و گۆرانی ڕێپێوانەکە تاوەکو گۆڕەپانی زانکۆی مانهایم ئەنجام درا. لە ڕێپێوانەکە  دروشمی "ژن، ژیان، ئازادی" بەرزکرایەوە و بە زمانی جیاواز گۆرانی گوترا.

دوای ڕێپێوانەکە لە زانکۆی مانهایم گردبوونەوەیەک ئەنجام درا. گروپی ژنانی مانهایم ڕوناهی بێریڤان، لە گردبوونەوەکەدا سەرنجی خستەسەر هێرشەکان لە دژی ڕۆژئاوا و ئاماژەی بەوەدا پشتگری بانگەوازی 'ئاشتیی و کۆمەڵگەی دیموکراتیک'ی ڕێبەر ئاپۆ دەکەن و تاوەکو بە دیهاتنی ئاشتیی لە تێکۆشان بەردەوامن.

لە لایەکی دیکەوە گروپی دی لینک، سەرنجی خستەسەر کۆمەڵکووژییەکان لە ڕۆژئاوا و سووریا و بانگەوازی هەستیاری لە دامەزراوەکانی مافی مرۆڤی نێونەتەوەیی کرد.

هاوپەیمانی فێمنیستی مانهایم لە ٨ی شوباتی ٢٠٢٤دا دامەزراوە و ٦٠ گروپی ژنانی کۆکردۆتەوە، بۆ یەکسانی و ئامانجی فێمێنستی بانگەوازیی یەکگرتنی کرد.

گروپەکانی ژنانی ڕێکخراوە کۆچبەرەکان کە ئەندامی ئەو گروپەن بەشدارییان لە چالاکییەکەدا کرد. هەروەها چەندین دامەزراوەی و گەنجانی مانهایم و تەژەکە-ئە بەشداری چالاکییەکە بوون.