ژنانی ئێزدی لە ڕۆژئاوایی کوردستان جەژنی ڕەمەزانیان پیرۆز کرد
یەکێتی ژنانی ئێزدی لە ڕۆژئاوای کوردستان جەژنی ڕەمەزانیان لە موسڵمانان پیرۆز کرد و گوتییان: "هیواخوازین جەژن ببێتە هۆکاری ئاشتی و خۆشەویستی."
یەکێتی ژنانی ئێزدی لە ڕۆژئاوای كوردستان بە بۆنەی جەژنی ڕەمەزانەوە پەیامێکی پیرۆزباییان بڵاوکردەوە.
یەکێتی ژنانی ئێزدی لە ڕۆژئاوای كوردستان بەبۆنەی پیرۆزبانی جەژنەوە بانگەوازی بۆ دیالۆگ کرد و گوتی: "پیرۆزبایی لە موسڵمانان دەکەین و هیوا دەخوازین جەژن ببێتە هۆکاری ئاشتی و خۆشەویستی، دەشڵێن، لەم كاتەدا داوای دیالۆگی ئاشتیانە لەسەر خاکی سووریا دەکەین.
لە پەیامەکەدا هاتووە: "پیرۆزبایی خۆمان ئاڕاستەی موسڵمانان دەکەین و هیوا دەخوازین جەژن ببێتە هۆکاری ئاشتی و خۆشەویستی دوور لە توندڕەوی و وێرانکاری. هیوادارین لە جەژندا بتوانین لەگەڵ پێکهاتە جۆراوجۆرەکان و سەرجەم بیروباوەڕەكانماندا بە یەکڕیزی لەسەر خاكەكەمان بژین."
هەر لە پەیامەکەدا جەخت لەسەر پێویستی ڕۆڵی پێشەنگایەتی ژنان کراوەتەوە و دەڵێت: "لەم جەژنەدا داوای دیالۆگی ئاشتیانە لەسەر خاکی سووریا دەکەین بە نوێنەرایەتییەکی دادپەروەرانەی هەموو پێکهاتەکان و ئایینەکان، كە تێیدا ژنان ڕۆڵی پێشەنگ و مێژوویی خۆیان ببینن لە بەڕێوەبردنی کۆمەڵگەکەیان."
