لە ئیلح بە بەشداری هاوسەرۆکانی گشتی پارتی هەرێمە دیموکراتیکەکان (دەبەپە) چیدەم لچگون ئوچار و کەسکین بایندر ئاگری نەورۆز کرایەوە.

بە هەزاران کەس لە گەڕەکی کۆرکی شار لە یەکترکۆبونەوە و بە دروشمەکانی 'بژی سەرۆک ئاپۆ'، بێ سەرۆک ژیان نابێ'، 'ژن، ژیان، ئازادی' گەنجانی فیدایی ئاپۆیین'، 'قەیوم بڕوا، گەل بێت'، 'بە بەرخۆدان سەردەکەین' و 'پەکەکە گەلە گەل لێرەیە' ڕێپێوانیانکرد.

لە گۆڕەپانی گەڕەک لەگەڵ دروشمی 'بژی سەرۆک ئاپۆ' ئاگری نەورۆز کرایەوە.

'نەورۆزی ئازادی بۆ عەبدوڵا ئۆجالان'

هاوسەرۆکی دەبەپە کەسکین بایندر لە گۆڕەپانی نەورۆزەکە قسەیکرد و وتی: "لە ١٥ی ئاداردا ئاگری نەورۆز لە ناوچەی دەپی ئاگر دەکەینەوە. ئاگری نەورۆز لە زێدی مەزڵوم دۆغان دەکەینەوە. نەورۆزی ٢٠٢٤ بۆ ئازادی بەڕێز ئۆجالان و ئازای گەلی کورد پیرۆز دەکەین. لە نەورۆزەوە هەتا ٣١ی ئادار کاتی هەڵبژاردنەکان تێبکۆشین، ڕۆژ ڕۆژی کوردانە، ڕۆژی ئازادی کوردانە، نەورۆز پیرۆزبێ لە گەلی کورد."