مەراسیمی ٩یەمین ساڵڕۆژی فەرمانی ٣ی ئابی ٢٠١٤، لە شەنگال بە ڕاگیرانی ژیان بۆ ماوەی ٣ خۆلەک، دەستیپێکرد.

کاتژمێر ١٠:٠٠ی ئەمڕۆ لە ناوچەکانی سنونێ، خانەسۆر و زۆر ناوچەی دیکەی شەنگال بە ٣ خولەک بێدەنگی یادی قوربانیانی فەرمان کرایەوە.

لە چوارڕەیانی مام زەکی لە ناوچەی سنونێ ژیان ڕاگیرا و یادی گیانبەختکردووانی فەرمان بەرزڕاگیرا.

خودێدا ئیلیاس، ھاوسەرۆکی دەستەی بەڕێوەبەری شەنگال دوای مەراسیمەکە لە ڵێدوانێکدا بۆ ئاژانسی فورات (ANF) وتی: بڕیاری ئیدارەی خۆبەڕێوەبەری شەنگالە، کە ساڵانە لە ساڵڕۆژی فەرمانەکەدا بۆ یادکردنەوەی گیانبەختکردووان، ٣ خولەک بەدەنگی ڕابگرن.

ئاماژەی بۆ ئەوەشکرد، ھەموو ساڵێک لەم ڕۆژەدا برینەکانمان دەکولێنەوە. ئێمە ھیچ کات ئەو ڕۆژی خیانەتە لەبیر ناکەین و ھەرگیزیش ناھێڵین لەبیر بکرێت. با گەلەکەمان خاوەنداری لەو رۆژە بکات.

ژ.ن