چالاکیی ئێشکگری بۆ دادپەروەری لەلایەن بنەماڵەی شەنیاشارەوە لە ٣٠٨هەمین ڕۆژیدایە. بنەماڵەی شەنیاشار لە شارۆچکەى پرسوسەوە ٤٢ کیلۆمەتر دەبڕن و دەڕۆنە بەردەم دادگای رحا و سەرەڕای سەرمای زۆر، بەردەوامن لەسەر چالاکییە ئێشکگرییەکەیان.

فەرید شەنیاشار وتی: "ئەگەر رحا ٨ پەرلەمانتاری هەبێت، کاتێک دەچنە ناو گەل، گەل پرسیاری ئەم ئێشکگرییەى ئێمەیان لێدەکەن. دەپرسن: 'بۆچی ئەم دایکە ماوەی ٤ وەرزە لەبەردەم دادگادایە'. لەناو ئاکەپەدا نوێنەرێک هەیە، کە ئەو کۆمەڵکوژییەی ئەنجام داوە. ئەم نوێنەرە هێشتا لەلایەن هەندێکەوە پارێزگاریی لێدەکرێت. لەبەر ئەوەى پارێزگاریی لێدەکرێت، داواکاری گشتیش بێکاریگەر کراوە و ناتوانێت ئەرکی خۆی جێبەجێ بکات و بەوەش تاوان ئەنجام دەدات. ئەگەر پەرلەمانتارانی ئاکەپە بچنە ناو گەلەوە، ئەم تێکۆشانەی ئێمە، کە لە هەموو شارەکانی تورکیادا لە رۆژەڤدایە، گەل لە پەرلەمانتارەکان دەپرسێت: 'بۆچی ئەو دایکە لەبەردەم دادگا راوەستاوە، کێ ٢ کوڕ و هاوسەرەکەی لە نەخۆشخانە دا کوشت؟ ئەگەر پەرلەمانتارێک لە ناو ئاکەپەدا هەیە بۆ وەڵامدانەوەی ئەم پرسیارە، با بێتە دەرەوە و بچێتە ناو گەل، با وەڵامی ئەم پرسیارانە بداتەوە".

ژ.ت