راگەیەندراوی ناوەندی راگەیاندن و چاپەمەنی هەپەگە لەسەر ئەو بابەتە بەم جۆرەیە:

"سوپای تورکی کۆلۆنیالیست کە لەبەرامبەر بەرخودانی بێهاوتای گەریلاکانی ئازادیی کوردستان نەیتوانیوە ئامانجە چەپەڵەکانی بۆ داگیرکەری بێنێتەدی، هێرشەکانی بەچەکی کیمیایی و بۆمبی قەدەغە لەسەر سەنگەرەکانی بەرخودانی هێزەکانمان درێژە پێدەدات. سەرباری ئەو هێرشانە و رەوشی دژواری کەشوهەواش گەریلاکانی ئازادیی کوردستان بێ پسانەوە درێژە بە بەرخودان دەدەن.

زانیاری بەرفراوان لە سەر چالاکی گەریلاکان لە هەرێمی زاپ و هێرشەکانی سوپای تورکی داگیرکەر بەم جۆرەیە:

لە چوارچێوەی هەڵمەتی شۆڕشگێریی هەڵۆکانی زاگرۆس لە هەرێمی زاپ؛

١٠ی کانوونی دووەم کاتژمێر ١٣:٠٠ لە ناحیەی شێلادزێی ناوچەی ئامێدی، تیمە گەڕۆکەکانمان بە چەکی قورس لە داگیرکەران لە نزیک گوندی سیدایان دا.

هێرشەکانی سوپای تورکی داگیرکەر بە چەکی کیمیایی و بۆمبی قەدەغە:

١١ی کانوونی دووەم لە ناحیەی شێلادزێی ناوچەی ئامێدی سەنگەرەکانی بەرخودانی گەریلا لە نزیک گۆڕەپانی چەمچۆ لە سەرلەبەیانییەوە تا ئێوارە ١٢ جار بە بۆمبی قەدەغە و چەکی کیمیایی بۆردومان کران.

هێرشەکانی سوپای تورکی داگیرکەر:

١١ی کانوونی دووەم لە ناحیەی شێلادزێی ئامێدی سەنگەرەکانی بەرخودانی گەریلا لە نزیک گوندی سیدا و گۆڕەپانی چەمچۆ ٦ جار بە فرۆکەی شەڕ بۆردومان کران.

١١ی کانوونی دووەم سەنگەرەکانی بەرخودانی گەریلا لە نزیک گوندی ساجا و گۆڕەپانی بەرخودانی کوڕەژارۆ بە هەلیکۆپتەری هێرشبەر ٨ جار بۆردومان کران.

١١ی کانوونی دووەم سەنگەرەکانی بەرخودانی گەریلا لە نزیک چەمچۆی ناحیەیە شێلادزێیی ئامێدی و گۆڕەپانی بەرخودانی ئامێدی بە دەیان جار بە کاتیوشا، تانک و چەکی قورس بۆردومان کران".

هـ . ب