دوای بەڕێوەچوونی شەشەمین کۆنگرەی بەپەلەی پارتی دیموکراتیکی هەرێمەکان (دەبەپە) لە ئامەد، کۆبوونەوەی مەجلیسی پارتی  (پی ئێم) و مەجلیسی ژنان لە ٢٠-٢١ی تیشرینی دووەم بەڕێوەچوو. کۆبوونەوەکە بە سەرپەرشتی هاوسەرۆکانی دەبەپە چیگدەم کلیچگون ئوچار و کەسکین بەیندیر بەڕێوەچوو و ئەنجامی کۆبوونەوەکان ئاشکرا کرا.

لە ئەنجامدا دەستنیشان کرا کە لە کوردستان، تورکیا و ڕۆژهەڵاتی ناوەڕاست بە سیاسەتی ڕەگەزپەرستی، نەتەوە پەرستی و ئایین پەرستی هێرشی بێ ڕەحمانە دژ بە ژنان و کۆمەڵگا ئەنجام دەدرێت و باس لەم شتانە کرا: "بە سیاسەتی کوشتنی ژنان، توندوتیژی و شەڕی تایبەت دژ بە ژنان , منداڵ و گەنجان بە شێوەیەکی سیستماتیک هێرش دەکرێتە سەریان. هاوپەیمانی ڕەگەزپەرست، نەتەوە پەرست و ئایین پەرست کە هەوڵی بەرێکخستنی فاشیزم دەدات، لە ڕێگەی سیاسەتی دوژمنکارانەی دژ بە گەلی کورد و جنسیەت پەرستی هەوڵ دەدات کۆمەڵگا مڵکەچ بکات. فاشیزمی ئاکەپە-مەهەپە، لەسەر بنەمای فاشیزم و نەتەوە پەرستی دواکەوتوو، ڕۆژ لە دوای ڕۆژ سیاسەتەکانی شەڕ و کوشتن لەسەر گەلی کورد زیاد دەکات.

ئاکەپە هەوڵدەدات لەژێر ناوی 'سەد ساڵی تورکیا' پەیمانی لۆزان نوێبکاتەوە، کە بووە هۆی ئەوەی گەلی کورد بێ ستاتۆ بێت. بە سیاسەتی ئینکار و لە ناوبردن، بە شەڕی کوشتن، دووبارە هەوڵ دەدات کورد بێ ستاتۆ بکات. لە دژی ئەم هەوڵە گەلی کورد لە سایەی ئیرادە و تێکۆشانی ڕێکخستن کراوی خۆی، ڕێگە نادات پەیماننامەیەکی نوێ واژۆ بکرێت. گازی کیمیایی و چەکی ئەتۆمی تاکتیکی لە هەر چوار پارچەی کوردستان بەکاردەهێنرێت، تیرۆری سیاسی ئەنجام دەدرێت، لە دژی ئیکۆلۆژی دۆژمنایەتییەکی گەورە هەیە، سامانی سەرزەوی و ژێرزەوی، قوتابخانە، نەخۆشخانە و هتد... بۆردومان دەکرێن. مرۆڤەکان دەکوژرێن. گەلی کورد لە پێناو ڕێگریکردن لەم کۆمەڵکوژی و پێکەوە ژیان پێداگرە لە سیستەمی کۆنفدرالیزمی دیمۆکراتیک.

لە چوارچێوەی سەرلە نوێ ئاوەدانکردنەوە لەگەڵ گەلەکەمان گفتوگۆمان کرد و ئیرادەی تێکۆشانمان بۆ داهاتوو هێنایە ئاراوە. ئێمە ئەم دۆخە نائاساییە، بە هێڵی خەباتی ڕێکخستنی بە تەمپۆیەکی دڵخواز پراکتیزە دەکەین، سیستەم و عەقڵییەتی فاشیستی لەناو دەبەین. تێکۆشانمان لە دژی چەمکی لەناوبردن بە ئیرادەیەکی گەورە بەردەوام دەبێت. لە کۆنفرانس، کۆنگرە و کۆبوونەوەکانی (پی ئێم) پێداگریمان لە پراکتیزەکردنی ئیرادەمان سەریهەڵدا.

گۆشەگیرییەکانی سەر بەرێز عەبدوڵڵا ئۆجەلان کە بەرپرسە لە چارەسەرکردنی کێشەکانی کوردستان، تورکیا و ڕۆژهەڵاتی ناوەڕاست، کاریگەری لەسەر هەموو بوارەکانی ژیان هەیە. تێکۆشانمان بۆ تێکشکاندنی گۆشەگیریەکانی ئیمرالی و ئازادی جەستەیی عەبدوڵڵا ئۆجالان بەردەوام دەبێت. ئەمە داواکاری گەلی کورد، هاوڕێیانی گەلی کورد، هێزە شۆڕشگێڕە دیمۆکراتیکەکان و ئۆپۆزیسیۆنی کۆمەڵایەتییە. لەم چوارچیوەیەدا ماوەیەکی دریژە لە ئەوروپا، ڕۆژئاوا و زۆر ناوچەی تر چالاکی بەڕێوە دەچێت.