ماوەی ٢٢ مانگان حیچ هەواڵێوە ڕابەروو گەلوو کورڎی مەزانیۊ. سەرڎای و داواکارییەکێ پارێزەراو نویسگەو یاساییچ بێ وەڵام ئازیێنێوە. پارێزەر "جەمال دەمیر" باسوو ئانەیش کەرد، کە بە پاو یاساو دلێنەو و پەیماننامە بەیننەتەوەییەکا، حەر زینڎانیێوە مشۊم دۆخێ چانەنە بازیۊوە، کە چەنی شکۊو ئینسانیەتی یۊ گێرۊوە.

جەمال دەمیر واتش، "بە پاو ڕاپۆرتەکاو "سی پی تی" حکومەتوو تورکیای حەرگیز جە پەرسەو گۊشەگێرینە هەنگامێش پەی دمای نەنیینێ. پێسە زانریۊ جە ئاڎاروو ٢٠٢١ بە دماوە بە حیچ نۆعێ پەیوەنڎی چەنی بەڕێز ئۆجەلانی ئەنجام نەڎریان. ٢٢ مانگێن بە حیچ نۊعێ خەبەرێش نەزانیان".

باروو نائاسایی

دەمیر.. ئا دۊخە نادیارە و ناڕۆشنشە ویرێ ئارڎۊ، کە وەختوو سەرڎایەکەو "سی پی تی"نە ئامان ئاراوە و واتش، "ئانە چێوێ نییا قابلوو قبووڵکەرڎەی بۊ. کۆڵیایۊ جە بارەو گۆشەگێریی سەروو بەڕێز "ئۆجەلان"ی یۊ جە هەرمانەکاو"سی پی تی"ین. "سی پی تی" ئا هەرمانێشە نەکەردە. ئینە پاسە کەرۊ کە بۆ بە دەزگێوە کێشەڎار. مشۆم "سی پی تی" دەمودەس جە بارەو دوورگەکەیۊ دەس بە چەنەکۆڵیایۊ کەرۊ. ئەنجاموو ئا چەنەکۊڵیایۊیە پەی ڕای گرڎینی وەڵا کەرۊوە. بە بێ ئانەی داواو ئیجازەی جە دەوڵەتوو تورکیای کەرۊ، وەروو ئانەی دۊخوو ئاگەی نائاسایین".

مشۊم دەمودەس گۆشەگێری ور گێریۊ

دەمیر سەرنجەش کێشتە پەی سەروو نیگەرانیی ڕای گرڎینێ و واتش، "کەسێوە ئاسایی نییا، پەوکای نیگەرانی و تووڕەیی یاوان بەرزتەرین ئاست. گلێرگە فرە نیگەران و تووڕەن. مشۆم دەمودەس زانیاری سەروو "عەبدوڵڵا ئۆجەلان"ی ور گێریۊ. دماییئارڎەی بە گۆشەگێری هەم پەی سیاسەتوو دلێ و هەمیچ جە وەرکەوتی دلێڕاسیننە سەردەمێوە یۊلاییکریاوە مارۊ ئاراوە. حەر پەوکای مشۊم دەمودەس گۊشەگێری دماییش بێ".